South China Morning Post گازەتىنىڭ حابارلاۋىنشا, چجەنچجوۋ قالاسىندا تولاسسىز جاۋعان جاڭبىر ءبىر كۇن بۇرىن سۋ تاسقىنىنا ۇلاسىپ, ادام ولىمىنە اكەپ سوقتىرعان. ىزدەستىرۋ-قۇتقارۋ توپتارى ازىرگە قازا تاپقانداردىڭ 18 دەنەسىن تاپتى. سونىمەن بىرگە 100 مىڭنان استام ادام قاۋىپسىز جەرگە كوشىرىلدى. بارلىعى 200 مىڭ ادام ۇيلەرىن تاستاپ كەتۋگە ءماجبۇر بولدى.
الەۋمەتتىك جەلىدە تارالعان كادرلاردان چجەنچجوۋدىڭ كوشەلەرى مەن مەترو ستانتسيالارىن سۋ باسقانىن, كولىكتەر سۋ استىندا قالىپ جاتقانىن كورۋگە بولادى.
چجەنچجوۋ مەتەورولوگيالىق باسقارماسى كەيىنگى 60 جىلدا مۇنداي جاۋىن-شاشىن بولماعانىن ايتادى. تابيعي اپاتتان ەكونوميكاعا 11,3 ميلليون دوللار كولەمىندە زالال كەلتىرىلگەن.
