قازاقستان • 21 شىلدە، 2021

مەكتەپ وقۋشىلارىنا مىندەتتى ۆاكتسينا سالىناتىنى راس پا؟

220 رەت كورسەتىلدى

Facebook جەلىسىندە COVID-19-عا قارسى ۆاكتسيناتسيالانباعان بالالاردى مەكتەپكە جىبەرمەيتىنى تۋرالى حابارلاما تاراۋدا، دەپ جازادى Egemen.kz.

الايدا stopfake.kz سايتىنا بۇل اقپاراتتىڭ شىندىققا جاناسپايتىنىن ايتادى.

حابارلامادا اۆتور قر دەنساۋلىق ساقتاۋ ءمينيسترى الەكسەي تسويدىڭ سوزىنەن مىسال كەلتىرەدى. مينيستر اعىمداعى جىلدىڭ 19 شىلدەسىندە «حابار 24» تەلەارناسىنىڭ ەفيرىندە قازاقستانعا Pfizer/BioNTech وندىرگەن COVID-19-عا قارسى ۆاكتسينانى جەتكىزۋ جوسپارى جايلى بايانداعان.

بۇگىنگى تاڭدا بۇل پرەپارات كلينيكالىق سىناقتاردان ءوتىپ، 12 جاستان اسقان جاسوسپىرىمدەردى ۆاكتسيناتسيالاۋ ءۇشىن ماقۇلدانعان. الايدا، بۇل ءبىزدىڭ ەلىمىزدە 12 جاستان اسقان وقۋشىلارعا ۆاكتسيناتسيا مىندەتتى بولادى دەگەن ءسوز ەمەس. الەكسەي تسوي مۇنداي مالىمدەمە جاساعان جوق.

بىرىنشىدەن، Pfizer/BioNTech ۆاكتسيناسىنىڭ العاشقى پارتياسى وسى جىلدىڭ قازان ايىندا، ياعني وقۋ جىلى باستالعاننان كەيىن اكەلىنۋى مۇمكىن. ەكىنشىدەن، دەنساۋلىق ساقتاۋ ءمينيسترىنىڭ ءوزى حابارلاعانداي، بالالاردى COVID-19-عا قارسى ۆاكتسيناتسيالاۋ تەك ەرىكتى تۇردە عانا جۇرگىزىلەدى جانە كامەلەتكە تولماعاندار اتا-انالارىنىڭ كەلىسىمىمەن عانا ەگىلەدى. 

دەمەك، ەكپە سالدىرماعان بالالاردى ءبىلىم الۋعا كونستيتۋتسيالىق قۇقىعىنان ايىرادى دەگەن قاۋەسەت نەگىزسىز جانە شىندىققا جاناسپايدى. قازاقستاندىق وقۋشىلار ۆاكتسيناتسيا مارتەبەسىنە قاراماستان ءبىلىم الاتىن بولادى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار