تۇركىستان وبلىسىندا اقىل-ەسىنىڭ دامۋىندا تەجەۋى بار كەلىنشەكتىڭ بەتىن قايىنبيكەسى ىستىق شانىشقىمەن كۇيدىرگەن. بۇل تۋرالى جۋرناليست گۇلميرا ابىقاي حابارلاعان. كەلىنگە مۇنداي قورلىق كورسەتۋگە سەبەپ بولعان جايت – گاز پليتاسىن ۋاقىتىلى جۋماۋى.
«وتىرار اپب-عا وسى جازباداعى جايت بويىنشا ەشكىم ارىزدانباعان جانە حابارلاما تۇسىرمەگەن. دەسە دە, بۇل جايت تۇركىستان وبلىستىق پوليتسيا دەپارتامەنتى باستىعىنىڭ جەكە باقىلاۋىنا الىندى. وتىرار اپب پوليتسەيلەرمەن زاڭ اياسىنداعى تەكسەرۋ جۇمىستارىنىڭ بارلىعى ىسكە اسىرىلۋدا», دەلىنگەن پوليتسيا تاراتقان حابارلامادا.
ال بۇگىن كەلىنىنىڭ بەتىن ىستىق شانىشقىمەن كۇيدىرگەن ايەل كوپشىلىكتەن كەشىرىم سۇرادى. «بۇل قادامعا اشۋمەن باردىم» دەگەن قايىن اپكەنىڭ ۆيدەومالىمدەمەسى جۋرناليست گۇلميرا ابىقايدىڭ Instagram پاراقشاسىندا جاريالانعان.
«مەن بايقاماي قالدىم. ىزا-كۇيىكتەن اشۋلانىپ ىستەدىم. بۇكىل قازاقستان حالقىنان كەشىرىم سۇرايمىن. ەندى مۇنداي قايتالانبايدى», دەيدى ءوزىن باعيلا كارىباي دەپ تانىستىرعان ايەل.
