وتىرىسقا جۇمىس توبىنىڭ مۇشەلەرى, مۇددەلى مەملەكەتتىك ورگاندار مەن ۇيىمداردىڭ وكىلدەرى جانە بۇۇدب قازاقستانداعى وكىلى قاتىستى.
ايتا كەتسەك, پاندەمياعا بايلانىستى قازاقستاننىڭ بۇۇ ناسىلدىك كەمسىتۋشىلىكتى جويۋ جونىندەگى كوميتەتىندە بايانداما جاساۋ مەرزىمى وزگەرتىلىپ, 2022 جىلى جەنەۆادا وتكىزۋ جوسپارلانعان بولاتىن.
ءىس-شارا بارىسىندا جۇمىس توبىنىڭ جەتەكشىسى اقپارات جانە قوعامدىق دامۋ ۆيتسە-ءمينيسترى سەرىك ەگىزباەۆ كەڭەسكە قاتىسۋشىلاردى بايانداما مازمۇنىن قايتا تالقىلاۋعا شاقىردى.
«بۇۇ كوميتەتى ۇسىنىمدارىنىڭ باسىم بولىگىن قازاقستان ورىندادى. سونىمەن قاتار مۇقيات زەرتتەۋدى قاجەت ەتەتىن بىرنەشە ۇسىنىستار بار, مىسالى, ديسكريميناتسياعا قارسى جەكە زاڭنامانى ازىرلەۋ. بۇل ماسەلە ءتۇرلى ەلدەردىڭ تاجىريبەسى ارقىلى ودان ءارى بىرلەسكەن زەرتتەۋدى تالاپ ەتەدى», دەدى س.ەگىزباەۆ.
سونىمەن قاتار بۇۇدب-نىڭ قازاقستانداعى شاقىرىلعان ۇلتتىق ساراپشىسى بۇۇ كوميتەتىنىڭ قورىتىندى ەسكەرتۋلەرىن جويۋ بويىنشا مۇددەلى مەملەكەتتىك ورگاندارمەن جانە ۇيىمدارمەن جۇرگىزىلىپ جاتقان جۇمىستار تۋرالى ايتىپ بەردى.
ەستەرىڭىزگە سالا كەتەيىك, 1998 جىلى قازاقستان ناسىلدىك كەمسىتۋشىلىكتىڭ بارلىق نىساندارىن جويۋ تۋرالى حالىقارالىق كونۆەنتسيانى راتيفيكاتسيالاعان بولاتىن. كونۆەنتسيا نورمالارىن ورىنداۋ شەڭبەرىندە قر ۇكىمەتىنىڭ قاۋلىسىمەن «ناسىلدىك كەمسىتۋشىلىكتىڭ بارلىق نىساندارىن جويۋ تۋرالى حالىقارالىق كونۆەنتسيانى قازاقستان رەسپۋبليكاسىنىڭ ورىنداۋى تۋرالى سەگىزىنشى-ونىنشى جيىنتىق مەرزىمدى بايانداماسى» بەكىتىلگەن.
بايانداما قر اقپارات جانە قوعامدىق دامۋ مينيسترلىگى جانىنداعى ۆەدومستۆوارالىق جۇمىس توبى بارلىق مۇددەلى مەملەكەتتىك ورگانداردىڭ قاتىسۋىمەن ازىرلەنىپ, 2014-2017 جىلدار ارالىعىنداعى ەسەپتىك كەزەڭدە قازاقستاننىڭ كونۆەنتسيا باپتارىن ىسكە اسىرۋى جونىندە اقپارات قامتىلعان.
