ول سانكتسيالاردىڭ بەلارۋس ەلىنە اسەرى تۋرالى سۇراققا جاۋاپ بەردى. ونىڭ سوزىنشە, سانكتسيا توسىننان ەنگىزىلمەيدى جانە قارسى شارالار الدىن الا ويلاستىرىلادى.
«ارينە, سانكتسيالار كەز كەلگەن ەل ءۇشىن جاقسى ەمەس. مەن ونى جاسىرمايمىن. بىراق ءبىز ەرتە مە, كەش پە بۇل سانكتسيالاردىڭ ەكونوميكامىزدى تۇرالاتىپ, جويۋ ماقساتىندا بىزگە قارسى قولدانىلاتىنىن تۇسىندىك. سوندىقتان كۇتتىك جانە دايىن بولدىق», دەيدى بەلارۋس باسشىسى.
پرەزيدەنتتىڭ سوزىنە سەنسەك, ەل ەكونوميكاسى وسى جىلدىڭ باسىنان بەرى تۇراقتى ءوسىمدى كورسەتىپ كەلەدى.
«وسى جىلدىڭ ءبىرىنشى جارتىجىلدىعىندا بەلارۋس رەسپۋبليكاسىنداعى جالپى ىشكى ءونىمنىڭ ءوسۋى شامامەن 3,5 پايىزدى قۇرادى. بۇل وتكەن جىلى جوسپارلاعانىمىزدان كوپ», دەدى الەكساندر لۋكاشەنكو.
