الماتى قالالىق سانيتاريا-ەپيدەميولوگيالىق باقىلاۋ دەپارتامەنتىنىڭ قورىتىندىسىنا سايكەس, مۋزەيدىڭ سالقىنداتۋ جانە اۋا اينالۋ جۇيەسىنەن شىعاتىن دىبىس رۇقسات ەتىلگەن نورمادان اساتىنى انىقتالىپ, مۇراجايعا 230 اەك كولەمىندە (670 مىڭ تەڭگە) ايىپپۇل سالىندى.
ال بۇل ولقىلىقتىڭ ورنىن تولتىرۋعا 30 كۇن بەرىلدى. بۇگىندە مۇراجاي باسشىلىعى ايىپپۇلدىڭ 50%-ىن تولەگەن.
بۇل مۇراجاي رەسپۋبليكالىق ماڭىزى بار قالا قۇرىلىسى مەن ساۋلەت ەسكەرتكىشى قاتارىنا جاتادى.
1983 جىلدان باستاپ مەملەكەتتىك تاريحي جانە مادەني ەسكەرتكىشتەر تىزىمىنە كىرەدى.
ەلىمىزدىڭ «تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» زاڭىنا سايكەس, ەسكەرتكىشتەردى قورعاۋدى قامتاماسىز ەتۋ ماقساتىندا:
1) قورعاۋ ايماقتارى;
2) قۇرىلىس سالۋدى رەتتەۋ ايماقتارى;
3) قازاقستان رەسپۋبليكاسىنىڭ زاڭناماسىندا ايقىندالاتىن تارتىپپەن قورعالاتىن تابيعات لاندشافت ايماقتارى بولىپ بولىنەدى.
تاريحي-مادەني مۇرا وبەكتىلەرىن قورعاۋ جانە پايدالانۋ سالاسىنداعى زاڭنامادا كورسەتىلگەندەي ءدال وسىنداي تاريحي-مادەني ەسكەرتكىش اۋماعىندا قۇرىلىس جۇمىسىن جۇرگىزۋگە شەكتەۋ بار.
زاڭدا قالالار مەن باسقا دا ەلدى مەكەندەردى جوسپارلاۋ, سالۋ جانە رەكونسترۋكتسيالاۋ جوباسى, تاريحي جانە مادەني ەسكەرتكىشتەر ورنالاسقان جەردى پايدالانۋ كارتاسى ۋاكىلەتتى ورگانمەن كەلىسىلۋى كەرەك ەكەنى كورسەتىلگەن.
«الايدا مۇراجايدىڭ اۋماعىنا وسى كوپقاباتتى تۇرعىن ءۇي كەشەنىن سالۋعا مينيسترلىك كەلىسىم بەرگەن جوق. مۇراجايدىڭ سالقىنداتۋ جانە كونديتسيونەرلەۋ جۇيەسى مۇراجايدىڭ ءوزى قۇرىلعان ساتتەن باستاپ, ياعني 1976 جىلى جۇرگىزىلگەنىن اتاپ وتكەن ءجون. بۇل عيماراتتىڭ تىرشىلىگىن قامتاماسىز ەتۋ جۇيەسى, ال عيماراتتىڭ سىرتىندا تۇرعان قازىرگى توڭازىتقىشتار 2008 جىلى ورناتىلدى. ولار شتاتتىق رەجيمدە جۇمىس ىستەيدى. جىل سايىن پروفيلاكتيكالىق قىزمەت كورسەتۋدەن وتەدى جانە ءوندىرۋشىنىڭ سيپاتتامالارىنا ساي كەلەدى», دەلىنگەن مينيسترلىك تاراتقان اقپاراتتا.
مادەنيەت جانە سپورت ءمينيسترىنىڭ 2015 جىلى 7 جەلتوقسانداعى №372 بۇيرىعىمەن بەكىتىلگەن قازاقستان رەسپۋبليكاسى مۋزەي قورىنىڭ مۋزەي زاتتارىن ەسەپكە الۋ, ساقتاۋ, پايدالانۋ جانە ەسەپتەن شىعارۋ نۇسقاۋلىعىنا سايكەس, ءار ءتۇرلى مۋزەي زاتتارىن كەشەندى ساقتاۋ كەزىندە اۋا تەمپەراتۋراسى تسەلسي بويىنشا +18و ± 1° بولۋى كەرەك.
ياعني, مۋزەيدىڭ سالقىنداتۋ جانە كونديتسيونەرلەۋ جۇيەسى - ۇلتتىق مادەني مۇرانى ساقتاۋدىڭ كەپىلى جانە كەز كەلگەن مۋزەيدىڭ ساپالى جۇمىسىن قامتاماسىز ەتۋدىڭ مىندەتتى بولىگى.
«دەر كەزىندە ارەكەت ەتۋدىڭ ارقاسىندا مۇراجاي مەن Central Esentai Resedence تۇرعىن ءۇي كەشەنىنىڭ قۇرىلىسىن جۇرگىزگەن تاراپ كەلىسسوز جاسادى. ونىڭ ناتيجەسى بويىنشا قۇرىلىس جۇرگىزگەن تاراپ بۇل جاعدايدى رەتتەيتىنىن جەتكىزىپ, ۋاعدالاستىققا قول جەتكىزدى. بۇل ماسەلە مينيسترلىكتىڭ تۇراقتى باقىلاۋىندا بولادى», دەپ اتاپ ءوتتى مينيسترلىكتەگىلەر.
