شاردارا پوليتسياسىنا جەتىساي اۋدانىنىڭ تۇرعىنى قوڭىراۋ شالىپ, شاردارا سۋ قويماسىنىڭ «التىن جاعاجاي» اتتى تۇرعىنداردىڭ دەمالىس ورنىنا ارنالعان جاعالاۋىندا جۇرگەن 6 جاسار بالاسىنىڭ جوعالعانىن ايتىپ, كومەك سۇرادى.
پوليتسەيلەر حابار الىسىمەن جەدەل ارەكەتكە كوشتى. شاردارا اۋدانىنىڭ ۋچاسكەلىك پوليتسيا ينسپەكتورى پوليتسيا كاپيتانى باقىتجان نۇرتازاەۆ جوعالعان بالانى تابۋ ءۇشىن بارلىق ىزدەستىرۋ جۇمىسىن جۇرگىزدى.
ۋچاسكەلىك پوليتسەيگە باسقا دا ارىپتەستەرى كومەككە كەلدى. ولار بالانىڭ سۋ جاعالاۋىندا جوعالعانىن ەسكەرىپ, ۋاقىت وتكىزبەستەن جاعالاۋدىڭ ماڭىن ءتىنتي باستايدى.
ناتيجەسىندە ۋچاسكەلىك پوليتسيا ينسپەكتورى ب.نۇرتازاەۆ 6 جاسار ءبۇلدىرشىندى جەتىساي اۋدانىنا شىعاتىن جولدىڭ بويىنان تاباپقان.
بالا ويناپ ءجۇرىپ اناسىنان اجىراپ قالعان. سودان بالا اداسىپ جاعالاۋدان 7 شاقىرىم جەرگە دەيىن الىستاپ كەتكەن.
قازىرگى تاڭدا بالا اتا-اناسىنا امان ەسەن قايتارىلدى. بالاسىمەن قاۋىشقان اتا-انا ءتارتىپ ساقشىلارىنا العىسىن جەتكىزدى.
