سونىڭ ىشىندە 61 اكىمنىڭ وكىلەتتى مەرزىمى اياقتالعان, ال قالعان 10 اكىمنىڭ وكىلەتتى مەرزىمى توقتاتىلعان.
وبلىستىق سايلاۋ كوميسسياسىنىڭ توراعاسى تىلەگەن قاسكيننىڭ ايتۋىنا قاراعاندا وبلىستا سايلاۋ كەزىندە 994 ادامدى جۇمىسپەن قامتىعان 14 اۋماقتىق, 174 ۋچاسكەلىك سايلاۋ كوميسسيالارى جۇمىس ىستەيتىن بولادى. بۇلار وبلىستىڭ 218 ەلدى مەكەندەرىندە ورنالاسقان. ال سايلاۋ ۋچاسكەلەرى اشىلماعان 54 ەلدى مەكەننىڭ سايلاۋشىلارى ۋچاسكەلەرگە ارنايى بولىنگەن كولىكتەرمەن جەتكىزىلەدى. سايلاۋشىلاردىڭ جالپى سانى 60471 ادام. سونىڭ ىشىندە ەڭ كوپ داۋىس بەرەتىندەر, ارينە, اۋداندىق ماڭىزى بار مامليۋت قالاسىنىڭ اكىمىن سايلايتىندار. ولاردىڭ سانى 5366. ال اۋىلدىق وكرۋگتەر اراسىندا ەڭ كوپ سايلاۋشى ع.مۇسىرەپوۆ اۋدانىنداعى نەجين اۋىلى. وندا 1941 سايلاۋشى بار. وسى سايلاۋدا 18 جاسقا ەندى تولعان 280 سايلاۋشى تۇڭعىش رەت داۋىس بەرەدى.
سايلاۋعا تۇسەتىن ۇمىتكەرلەردى تىركەۋ 9 شىلدەدە اياقتالعان. ولاردىڭ سانى 237 ادام بولدى, سونىڭ ىشىندە 74-ءىن ساياسي پارتيالار ۇسىنعان, قالعاندارى ءوزىن-ءوزى ۇسىنۋشىلار. ءبىر ورىنعا ورتا ەسەپپەن 3,3 ۇمىتكەردەن كەلدى. بىراق 9 وكرۋگتە تالاسقا تۇسەتىندەر سانى 4 ادامنان بولدى. بەس ادامنان تۇراتىن ەڭ كوپ ۇمىتكەر قىزىلجار اۋدانىنداعى بۋگروۆوي اۋىلدىق وكرۋگىندە تىركەلدى. بارلىق ۇمىتكەرلەردىڭ 30 پايىزعا جۋىعى ايەلدەر. 110 كانديدات نەمەسە 48,5 پايىزى بۇرىننان مەملەكەتتىك قىزمەت اتقارىپ كەلە جاتقان ادامدار. سونىڭ ىشىندە 43-ءى وسى كەزگە دەيىن اكىمدىك لاۋازىمدى اتقارىپ جۇرگەندەر.
ساياسي پارتيالاردىڭ اراسىندا ەڭ كوپ - 58 كانديدات ۇسىنعان Nur Otan پارتياسى. قالعان پارتيالار 2-3 ادامنان عانا ۇسىنا الدى. تەك بۇرىنعى كوممۋنيستىك, قازىرگى «قازاقستاننىڭ حالىق پارتياسى» عانا 6 ۇمىتكەر ۇسىنعان. اۋىل اكىمدەرىن سايلاۋعا «اۋىل» پارتياسى نەبارى 3-اق كانديدات تىركەتتى.
13 شىلدەدەگى مالىمەتكە سايكەس تەكسەرىلگەندە بارلىق 237 كانديداتتىڭ 223-ءنىڭ قۇجاتتارىنان ەشقانداي شيكىلىك شىققان جوق. ال 14-ءنىڭ قۇجاتتارىنان زاڭعا قايشىلىق تابىلىپ, سايلاۋعا تۇسۋگە تيىم سالىندى. بۇل جۇمىسقا بارلىق ءتيىستى وكىلەتتى ورگاندار تارتىلدى. سونىڭ ىشىندە كوشى-قون پوليتسياسى, پروكۋراتۋرا, مەملەكەتتىك قىزمەت دەپارتامەنتى بار.
سايلاۋعا تۇسەتىن ۇمىتكەرلەردىڭ اراسىندا «بولاشاق» باعدارلاماسىمەن وقىعان ءبىر ازامات بار. ول ءۋاليحانوۆ اۋدانىنداعى «قايرات» اۋىلدىق وكرۋگىنىڭ اكىمدىگىنەن ۇمىتكەر بولىپ تىركەلگەن. بارلىق ۇمىتكەرلەر جوعارى ءبىلىمدى, ماماندىقتارى بويىنشا 15,2 % – ەكونوميست, 16,9 % – زاڭگەر, 38,4 % – پەداگوگ جانە 8 % – اۋىلشارۋاشىلىعىنىڭ مامانى. ۇمىتكەرلەردىڭ ورتاشا جاسى – 41. ەڭ جاسى 27-دە. ال ەڭ تاجىريبەلى, جاسى ۇلكەنى ع.مۇسىرەپوۆ اۋدانىنداعى قىرىمبەت اۋىلدىق وكرۋگىنە اكىم بولۋعا ۇمىتكەر بولىپ وتىر. ونىڭ جاسى 62-دە.
سايلاۋ الدى ۇگىت جۇمىستارىن جۇرگىزۋگە ءاربىر اۋىلدىق وكرۋگكە سايلاناتىن كانديداتقا 220 مىڭ تەڭگەدەن, ال اۋداندىق ماڭىزى بار قالاعا اكىم بولعىسى كەلەتىندەرگە 230 مىڭ تەڭگەدەن بيۋدجەتتەن قاراجات بولىنەدى.
بۇگىنگى كۇنگە وبلىستاعى سايلاۋ ناۋقانى قولدانىستاعى زاڭناما تالاپتارىنا, بەكىتىلگەن كۇنتىزبەلىك جوسپارلارعا سايكەس جۇرگىزىلۋدە. سايلاۋ كوميسسيالارىنا وتىنىشتەر مەن شاعىمدار تۇسكەن جوق.
سايلاۋ ناۋقانىن وتكىزۋ بارىسى تۋرالى بارلىق جەدەل اقپارات وبلىستىق جانە اۋداندىق سايلاۋ كوميسسيالارىنىڭ ينتەرنەت-بەتتەرىندە ورنالاستىرىلعان.
