وڭتۇستىك كاسپي تسيكلونى بۇگىن دە رەسپۋبليكانىڭ كوپ بولىگىنە ءوز اسەرىن تيگىزەدى, سوندىقتان قۇبىلمالى اۋا رايى ساقتالادى, جاڭبىر جاۋىپ, نايزاعاي وينايدى.
ەلدىڭ سولتۇستىگىندە, سولتۇستىك-شىعىسىندا جانە شىعىسىندا نوسەر جاڭبىر جاۋادى. تەك وڭتۇستىك-باتىس پەن باتىستا كۇن اشىق. رەسپۋبليكانىڭ كەي جەرلەردە داۋىل, بۇرشاق, جەلدىڭ كۇشەيۋى, وڭتۇستىك پەن وڭتۇستىك-باتىسىندا شاڭدى داۋىل, سولتۇستىكتە تۇمان كۇتىلەدى.
سولتۇستىك قازاقستان وبلىسىنىڭ كەي جەرلەرىندە داۋىل تۇرىپ, بۇرشاق جاۋادى, جەلدىڭ جىلدامدىعى 15-20, ەكپىنى 23-28 م/س.
شىعىس قازاقستان وبلىسىنىڭ كەي جەرلەرىندە داۋىل بولىپ, جەل كۇشەيەدى, كۇندىز بۇرشاق تۇسەدى.
اقمولا, الماتى وبلىستارىندا جەلدىڭ جىلدامدىعى 15-20, ەكپىنى 25 م/س جەتەدى.
اقمولا وبلىسىنىڭ كەي جەرلەرىندە بۇرشاق, تۇمان كۇتىلەدى. جامبىل, قوستاناي, پاۆلودار, قاراعاندى وبلىستارىنىڭ كەي جەرلەرىندە جەل كۇشەيەدى. جامبىل, پاۆلودار وبلىستارىندا بۇرشاق جاۋادى.
تۇركىستان, كۇندىز قىزىلوردا, باتىس قازاقستان وبلىستارىنىڭ كەي جەرلەرىندە جەلدىڭ 15-20 م/س جەتەدى, قىزىلوردا, تۇركىستان وبلىستارىنىڭ كەي جەرلەرىندە شاڭدى داۋىل تۇرۋى ىقتيمال.
قىزىلوردا, تۇركىستان, ماڭعىستاۋ, اتىراۋ, جامبىل وبلىستارىنىڭ باسىم بولىگىندە, الماتى, اقتوبە, باتىس قازاقستان وبلىستارىنىڭ كەي جەرلەرىندە, قوستاناي, قاراعاندى وبلىستارىنىڭ وڭتۇستىگىندە ءورت قاۋپى ساقتالادى.
