ايماقتار • 13 شىلدە، 2021

جۇمىسشى ايەلدەر زەينەت جاسىن تومەندەتۋدى ۇسىندى

69 رەت كورسەتىلدى

ءماجىلىس دەپۋتاتتارى، Nur Otan پارتياسى فراكتسياسىنىڭ مۇشەلەرى قاينار اباسوۆ پەن سىرىم ەرتاەۆ تۇركىستان وبلىسىنداعى كەنتاۋ ترانسفورماتور زاۋىتىنىڭ جۇمىسشىلارىمەن كەزدەستى، دەپ حابارلايدى Egemen.kz.

كەنتاۋ ترانسفورماتور زاۋىتىنىڭ جۇمىسشىلارىمەن كەزدەسۋدە ءماجىلىس دەپۋتاتتارى ءونىمنىڭ 40% ەكسپورتتالاتىن كاسىپورىن ءۇشىن وزەكتى ماسەلەلەردى تالقىلادى.

باسقارما توراعاسى حايروللا قوجاباەۆتىڭ ايتۋىنشا، مەملەكەتتەن جاڭا جابدىق ساتىپ الۋعا جەڭىلدەتىلگەن نەسيە الۋ مونوقالالاردى دامىتۋ باعدارلاماسى بويىنشا 1%-بەن نەسيە الۋ وندىرىستىك قۋاتتى ارتتىرۋعا مۇمكىندىك بەرەر ەدى.

ءماجىلىس دەپۋتاتتارى كاسىپورىندارعا كورسەتىلەتىن مەملەكەتتىك قولداۋدىڭ، ونىڭ ىشىندە پاندەميانىڭ ەكونوميكالىق سالدارىن ەڭسەرۋ، سونىمەن قاتار وتاندىق وندىرۋشىلەردى قولداۋدىڭ زاڭنامالىق نورمالارىنىڭ ماڭىزدىلىعىن اتاپ ءوتتى. 

Nur Otan پارتياسىنىڭ سايلاۋالدى باعدارلاماسىندا بەلسەندى ەكسپورتتاۋشى كومپانيالاردى 400-دەن 1000-عا دەيىن ۇلعايتۋ كوزدەلگەن. وسىعان بايلانىستى، شيكىزاتتىق ەمەس ەكسپورت ەكى ەسەگە ارتادى دەپ كۇتىلۋدە.

«پاندەميا سالدارىنان توقتاپ قالعان كاسىپورىندارعا مەملەكەتتىك قولداۋ كورسەتۋ ەرەكشە ماڭىزدى. نەسيە بەرۋ ماسەلەسى پارلامەنتتە تالقىلانىپ، ۇسىنىستار ۇكىمەتكە جىبەرىلەتىن بولادى»، دەدى ءماجىلىس دەپۋتاتى سىرىم ەرتاەۆ.

ماجىلىسمەندەر كاسىپورىن قىزمەتكەرلەرىنىڭ الەۋمەتتىك سۇرانىستارىن شەشۋ ماسەلەسىنە دە نازار اۋداردى. اتاپ ايتقاندا، جۇمىسشىلار جالپى وندىرىستە جۇمىس ىستەيتىن ايەلدەردىڭ زەينەتكەرلىك جاسىن تومەندەتۋ تۋرالى ۇسىنىستار ايتىلدى.

ەكسپورتقا باعدارلانعان كاسىپورىنداردى قولداۋ – Nur Otan پارتياسىنىڭ سايلاۋالدى باعدارلاماسىنىڭ باسىم مىندەتتەرىنىڭ ءبىرى.

سوڭعى جاڭالىقتار

ۇقساس جاڭالىقتار