قوعام • 09 شىلدە, 2021

مىندەتتى ۆاكتسيناتسيا: 15 شىلدەدەن كەيىن قىزمەتكەرلەر قالاي تەكسەرىلەدى؟

1242 رەت

كورسەتىلدى

1 مين

وقۋ ءۇشىن

دەنساۋلىق ساقتاۋ مينيسترلىگى 15 شىلدەدەن كەيىن جۇمىس بەرۋشى مەن قىزمەتكەرلەردىڭ ۆاكتسيناتسيا مارتەبەسى قالاي تەكسەرىلەتىنىن ايتتى, دەپ حابارلايدى Egemen.kz.

گاۋھار قاپاش

مىندەتتى ۆاكتسيناتسيا: 15 شىلدەدەن كەيىن قىزمەتكەرلەر قالاي تەكسەرىلەدى؟

دەنساۋلىق ساقتاۋ مينيسترلىگىنىڭ مالىمەتى بويىنشا, تەكسەرۋگە ىشكى ىستەر ورگاندارىمەن بىرلەسىپ مونيتورينگتىك توپتار تارتىلادى.

حالىقتىڭ سانيتاريالىق-ەپيدەميولوگيالىق سالاماتتىلىعى سالاسىندا مەملەكەتتىك ورگاندار ىشكى ىستەر ورگاندارىنان ءتيىستى ماتەريالداردى العان كەزدە حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكستىڭ 82-بابىندا كوزدەلگەن مىندەتتەردى ورىنداماعانى ءۇشىن جۇمىس بەرۋشىلەرگە اكىمشىلىك قۇقىق بۇزۋشىلىق تۋرالى حاتتاما تولتىرىلادى.

سانيتاريالىق-ەپيدەميولوگيالىق جانە سانيتاريالىق-پروفيلاكتيكالىق شارالاردى جۇرگىزۋ;

كورسەتىلەتىن قىزمەتتەردىڭ قاۋىپسىزدىگىن قامتاماسىز ەتۋ;

سانەپيدباقىلاۋ ورگاندارىنىڭ لاۋازىمدى تۇلعالارىنىڭ اكتىلەرىن ورىنداۋ;

قىزمەتكەرلەر اراسىندا دەنساۋلىقتى نىعايتۋ جانە اۋرۋلاردىڭ الدىن الۋ ءۇشىن قولايلى جاعدايلار جاساۋ.

«قر اقبك-ءنىڭ 425-بابى 1-بولىگى بويىنشا زاڭناما ورىندالماعان جاعدايدا جانە قر اقبك-ءنىڭ 462-بابى 3-بولىگى بويىنشا حالىقتىڭ سانەپيدەميالوگيالىق ءال-اۋقاتى سالاسىنداعى لاۋازىمدى تۇلعالار قاۋلىسى مەن نۇسقاماسى ورىندالماعان جاعدايدا ايىپپۇل سالىنۋى مۇمكىن. ەڭبەك كودەكسىنىڭ 48-بابىنا سايكەس, جۇمىس بەرۋشى, ەگەر ونىڭ ءىس-ارەكەتى ونىڭ ءومىرى مەن دەنساۋلىعىنا, ونىڭ ىشىندە باسقا دا قىزمەتكەرلەرگە اۋىر زارداپتار اكەلۋى مۇمكىن بولسا, قىزمەتكەردى شەتتەتۋگە مىندەتتى», دەلىنگەن دەنساۋلىق ساقتاۋ مينيسترلىگى حابارلاماسىندا.