ايماقتار • 09 شىلدە، 2021

ورالدا ەر ادامدى پويىز قاعىپ كەتتى

471 رەت كورسەتىلدى

ورالدا پويىز ەر ادامدى قاعىپ كەتتى، دەپ حابارلايدى Egemen.kz.

بقو دەنساۋلىق ساقتاۋ باسقارماسىنىڭ ءباسپاسوز حاتشىسى ايناگۇل ساقپوسىنوۆانىڭ ءمالىم ەتكەنىندەي، بۇگىن تۇنگى ساعات 01.56-دا جەدەل جاردەمگە قوڭىراۋ شالىنىپ، دەركول اۋىلىندا ەر ادامدى پويىز قاعىپ كەتكەنى جونىندە حابار تۇسكەن.

«وقيعا ورنىنان ورتا جاستاعى ەر ادام وبلىستىق كوپبەيىندى اۋرۋحاناعا جەتكىزىلدى. ول وقيعا سالدارىنان ەكى اياعىنان ايىرىلدى. قازىرگى كەزدە جاعدايى اۋىر، جانساقتاۋ بولىمىندە»، دەدى ا.ساقپوسىنوۆا.

قر ءىىم كولىكتەگى پوليتسيا دەپارتامەنتى ءباسپاسوز قىزمەتىنىڭ ناقتىلاۋىنشا، وقيعا «تاۋارلى كاردون» اينالىمىندا بولعان. اتالعان دەرەك قر قك 344-بابى 1-بولىگى، ياعني تەمىرجول كولىگى قوزعالىسىنىڭ قاۋىپسىزدىك قاعيدالارىن بۇزۋ بويىنشا ورال ستانتسياسىنداعى جەلىلىك پوليتسيا ءبولىمىنىڭ سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلدى. قازىر تەرگەۋ امالدارى جۇرگىزىلۋدە. بۇل ءىس بويىنشا باسقا اقپارات قر قىلمىستىق ءىس جۇرگىزۋ كودەكسىنىڭ 201-بابى تالاپتارىنا سايكەس تەرگەۋ مۇددەسىنە وراي جاريالاۋعا جاتپايدى.

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار