مەديتسينا • 09 شىلدە، 2021

ۆاكتسيناتسيا پاسپورتىن ساتقان دارىگەرلەر ۇستالدى

202 رەت كورسەتىلدى

قازاقستاننىڭ ءۇش وڭىرىندە ۆاكتسيناتسيا پاسپورتتارىن قولدان جاساۋمەن اينالىسقان مەديتسينا قىزمەتكەرلەردى ۇستادى. بۇل تۋرالى قىزمەت باسشىسى مارات احمەتجانوۆ مالىمدەدى، دەپ حابارلايدى Egemen.kz.

«كەشە عانا ەلىمىزدىڭ ءۇش وڭىرىندە جالعان پاسپورتتاردى ساتۋمەن اينالىساتىن مەديتسينا قىزمەتكەرلەرى ۇستالدى. ءىس جۇزىندە ۆاكتسينا الماعان ادامدارعا قولدان جاسالعان پاسپورتتاردى ساتىپ، ۆاكتسينانىڭ ءوزىن جويىپ وتىرعان. كورىپ وتىرعاندارىڭىزداي، حالىقتىڭ دەنساۋلىعى اقشا تابۋدىڭ ادىسىنە اينالدى، ال بيۋدجەتتەن بولىنەتىن اقشا جەلگە كەتەدى»، دەپ مالىمدەدى احمەتجانوۆ سىبايلاس جەمقورلىققا قارسى ءىس-قيمىل اگەنتتىگىنىڭ القا وتىرىسىندا.

اگەنتتىكتىڭ ءباسپاسوز قىزمەتى اتاپ وتكەندەي، زاڭسىز ىسپەن اينالىسقان مەديتسينا قىزمەتكەرلەرىن استانا، اقمولا جانە الماتى وبلىستارىندا ۇستاعان.

«وسى جالعان ۆاكتسيناتسيا پاسپورتتارىن العان ادامدار بىزبەن بىرگە ۇيدە بولا الادى، بىزبەن بىرگە كولىكپەن جۇرە الادى. بۇل تەك سىبايلاس جەمقورلىق فاكتىسى عانا ەمەس، سونىمەن بىرگە حالىقتىڭ قاۋىپسىزدىگىنە دە قاۋىپ ءتوندىرۋ»، دەدى احمەتجانوۆ.

ول بۇل باعىتتاعى جۇمىستار جالعاساتىنىن اتاپ ءوتتى.

بۇعان دەيىن ءىىم-دە حابارلانعانداي، العاشقى جارتى جىل ىشىندە ىشكى ىستەر ورگاندارىنىڭ وندىرىسىندە ۆاكتسيناتسيا پاسپورتتارىن قولدان جاساۋ بويىنشا الماتى جانە اقمولا وبلىستارىندا ءتورت قىلمىستىق ءىس قوزعالعان. ولار بويىنشا سوتقا دەيىنگى تەرگەۋ جالعاسۋدا.

سوڭعى جاڭالىقتار

ۇقساس جاڭالىقتار