سپورت • 09 شىلدە، 2021

سىرت الاڭدا تەڭ ءتۇستى

10 رەت كورسەتىلدى

سارسەنبى كۇنى الماتىنىڭ «قايراتى» قازاقستاندىق فۋتبول كوماندالارى اراسىندا ءبىرىنشى بولىپ 2021/2022 جىلعى ەۋروكۋبوك ويىندارىنىڭ شىمىلدىعىن اشىپ بەردى. اراعا 16 جىل سالىپ ەل چەمپيونى اتانعان «قايرات» ءدال سونشا جىلدان كەيىن بيىل العاش رەت چەمپيوندار ليگاسىندا ونەر كورسەتۋگە مۇمكىندىك الدى.

«قايرات» چەمپيوندار ليگا­سىنىڭ العاشقى ىرىكتەۋ كەزەڭىندە حايفانىڭ «ماككابيىمەن» سىرت الاڭدا كەزدەستى. «سام­مي وفەر» ستاديونىندا وتكەن ويىن 1:1 ەسەبىمەن تەڭ اياقتال­دى. ال­ما­تىلىق ۇجىمنىڭ ەۋ­رو­كۋ­بوك جا­رىستارىنداعى ستا­تيس­­تي­كا­لىق نا­تيجەلەرىنە كوز جۇ­گىر­تەر بولساق، «قايرات» ءبى­رىن­شى ىرىكتەۋ كەزەڭدەرىن وتە ءسات­تى باس­تاعانىمەن، كوبىنە سىرت الاڭ­داعى ويىنداردا تەڭ ءتۇسىپ جا­تادى. مىنە، كەشەگى ويىندا دا جە­ڭىلىپ جاتىپ ەسەپتى تەڭەستىرىپ كەتتى.

جالپى «قايرات» ەۋرودودا باسەكەلەرىندە يزرايل كلۋبتارىمەن ءجيى كەزدەسەدى. بىلتىرعى ەل چەمپيونى حايفانىڭ «ماك­كابيىمەن» بيىل قاتارىنان ەكىن­شى جىل ويناپ جاتىر. ال­ماتىنىڭ كومانداسى بىلتىر يزرايل كلۋبىمەن ەۋروپا ليگا­سى­نىڭ ءبىرىنشى ىرىكتەۋ كەزە­ڭىندە جولىقسا، بيىل ەكى ۇجىم چەم­پيوندار ليگاسىنىڭ ال­عاشقى كەزەڭىندە كەزدەستى.

ءبىر وكىنىشتىسى، «قايرات» يزرايل كوماندالارىمەن ۇنەمى ەۋروكۋبوك ءتۋرنيرىنىڭ ەكىنشى كە­زەڭىندە جولىعىپ، جارىستى سول جەردەن اياقتايتىن ءساتسىز ستاتيس­تيكاسى بار. ماسەلەن، الماتى كلۋبىنىڭ يزرايل كوماندالارىمەن تانىستىعى 2016/17 جىلعى ەۋروپا ليگاسىندا باس­تالدى. سول جىلى ءتۋرنيردىڭ ەكىنشى ىرىكتەۋ كەزەڭىندە تەل-ءاۆيۆتىڭ «ماككابيىمەن» كەزدەسكەن قازاقستاندىق ۇجىم ەكى ويىن قورىتىندىسى بويىنشا 3:1 (1:1، 1:2) ەسەبىمەن جەڭىلىپ، جا­رىستان شىعىپ قالدى. ارا­عا ءۇش جىل سالىپ «قايرات» ەۋ­روپا ليگاسىنىڭ ەكىنشى ىرىك­تەۋ كەزەڭىندە ءيزرايلدىڭ تا­عى ءبىر كومانداسىمەن ويناپ، ەۋ­روكۋبوك باسەكەسىندەگى جورى­عىن مەرزىمىنەن بۇرىن اياق­تا­دى. جەرلەستەرىمىز بۇل جولى بەەر-شەۆانىڭ «حاپوەل» ۇجى­مىنان وتە المادى. ەكى ماتچ قورىتىندىسى بويىنشا «قاي­رات» 3:1 (1:1، 0:2) ەسەبىمەن ەسە جى­بەردى. ال 2020-2021 جىلعى ەۋ­روپا ليگا­سىنىڭ ەكىنشى كەزە­ڭىندە تاعى دا «ماككابيمەن» ويناپ، سىرت الاڭدا وتكەن كەزدەسۋدە 2:1 ەسەبىمەن ۇتىلىپ، جارىستى اياق­تاۋعا ءماجبۇر بولدى.

ءبىر قۋانارلىعى، «قايرات» بيىل يزرايل كومانداسىمەن ەۋروپا ليگاسىندا ەمەس، چەم­پيوندار ليگاسىندا جانە ەكىن­شى ەمەس، ءبىرىنشى ىرىكتەۋ كەزە­ڭىندە جولىعىپ تۇر. ەۋروپا لي­گاسىنداعى ساتسىزدىك بۇل تۋرنيردە قايتالانبايدى دەگەن ۇمىتتەمىز. ونىڭ ۇستىنە الماتىلىق ۇجىم سىرت الاڭدا وتكەن ءبىرىنشى ويىندا تەڭ ءتۇستى. بۇل – قارىمتا ويىنى­ن ءوز الاڭىندا وتكىزەتىن كلۋبقا ايتارلىقتاي باسىمدىق بەرەدى.

بيىلعى «ماككابي» – «قاي­رات» اراسىنداعى ويىنعا توق­تالار بولساق، جەرلەستەرىمىز ء«ا» دەگەننەن-اق ويىن تىزگىنىن ءوز قولدارىنا الۋعا تىرىستى. ءتىپتى 30 مىڭعا جۋىق جانكۇيەردىڭ قولداۋىنا يە بولعان الاڭ يە­لەرىنە قاراعاندا العاشقى قا­ۋىپتى شابۋىلدى دا الماتىلىق ۇجىم ۇيىمداستىردى. 8-مينۋتتا ۆاگنەر لاۆتىڭ تەپكەن دو­بى قاقپادان اسىپ كەتسە، 11-مي­نۋتتا ايبول ابىكەننىڭ جاساعان سوققىسىن «ماككابي» قاقپاشىسى قايتارا ءبىلدى. دە­گەنمەن، الاڭ يەلەرى ءبى­رىنشى تايم اياقتالار تۇستا گول سوعىپ، ەسەپ­تى اشتى. ومەر اتسيلي «قاي­رات­تىڭ» ەكى قورعاۋشىسىنان اۋلا كلۋبىنىڭ ويىنشىسىن ال­­دا­عانداي وڭاي سىتىلىپ شى­عىپ، ستاس پوكاتيلوۆتى قاپى قالدىردى – 1:0.

ەكىنشى تايمدى دا «قايرات» ويىنشى­لارى بەلسەندى باستادى. 55-مينۋتتا تاعى سول ۆاگنەر گول سو­عاتىن تاماشا مۇمكىندىكتى ءتيىم­دى پاي­دا­لانا المادى. بىراق كوپ وتپەي جەر­لەس­تەرىمىز تارازى باسىن تەڭەس­تىرىپ كەتتى. ويىننىڭ 76-مينۋتىندا بۇ­رىش­تامادان اسى­رىلعان دوپقا قازاق­ستان­دىق قورعاۋشى ءنۇرالى ءالىپ ءبى­رىن­­شى جەتىپ، باسپەن گول سوقتى. ەسەپ – 1:1.

ويىن اياقتالعان سوڭ الاڭ قو­­جا­يىندارىنىڭ باس باپكەرى باراك باحار ماتچقا قاتىستى پىكىر ءبىلدىردى. «قارسىلاسىمىز بۇل ماتچقا بابىندا كەلگەنى باي­قالىپ تۇر. جالپى ويىن تاب­لوداعى كورسەتكىشكە ساي، تەڭ دا­رەجەدە ءوتتى. ەندى كەلەسى اي­نا­لىمعا شىعۋ ءۇشىن الماتىدا قالاي دا جەڭىسكە جەتۋىمىز كەرەك. بىزگە العاشقى ماتچ ءوز بابىمىزعا كەلىپ الۋ ءۇشىن جاقسى مۇمكىندىك بولدى. ەندى ويىنىمىزدى جاقسارتۋىمىز كەرەك»، دەدى باحار ماتچتان كەيىن.

ەندى ەكى ۇجىم اراعا اپتا سالىپ 14 شىلدەدە الماتىدا جو­لىعادى. «قايرات» كلۋبىنىڭ ءباس­­پاسوز قىزمەتى تاراتقان اق­پارات بويىنشا، ورتالىق ستا­ديونداعى ماتچ 50 پايىز جان­كۇيەرلەردىڭ قولداۋىمەن وت­پەك. ەگەر الماتىلىق كلۋب ءوز الا­ڭىندا وتەتىن ويىندا جە­ڭىسكە جەتەر بولسا، كەلەسى كە­زەڭ­دە سەربيانىڭ «تسرۆەنا زۆەز­داسىمەن» كەزدەسەدى.

تاعى ءبىر ايتا كەتەرلىگى،

بي­ىل­­­­­­دان باستاپ ەۋرودودا باسە­كە­لەرىندە سىرت الاڭدا سوعىلعان گولدىڭ ما­ڭىزدىلىعى جويىلدى. ەندى تەك ەكى ويىن ناتيجەسى بويىن­شا عانا ۇزدىك اتانعان كلۋب كەلەسى كەزەڭگە جولداما الادى. ەگەر كوماندالار تەڭ ءتۇسىپ جاتسا، قوسىمشا 15 مينۋتتان ەكى تايم وينايدى. قوسىمشا ۋا­قىتتا دا جەڭىمپاز كوماندا انىق­تالماسا، وندا پەنالتي سەرياسىنا جۇگىنەدى.

 

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار