پارلامەنت ءماجىلىسىنىڭ دەپۋتاتتارى سەسسيا ارالىق كەزەڭدە سايلاۋشىلارمەن كەزدەسۋلەر وتكىزىپ, پارتيانىڭ سايلاۋالدى باعدارلاماسىن ىسكە اسىرۋعا ارنالعان جول كارتاسىنىڭ ورىندالۋىن قاداعالادى.
قالا اكىمى م.ايتەنوۆ پارلامەنت دەپۋتاتتارى قازاقستان دامۋىنىڭ ستراتەگيالىق باعدارلامالارىن, مەملەكەت باسشىسىنىڭ ساياسي رەفورمالارىن جۇزەگە اسىرۋدى قامتاماسىز ەتەتىن زاڭ نورمالارىنىڭ قابىلدانۋىنا ۇلكەن ۇلەس قوسىپ وتىرعانىن ايتا وتىرىپ, ولاردىڭ قىزمەتىنە قالا تۇرعىندارى اتىنان العىسىن ءبىلدىردى. بۇل زاڭ نورمالارى قوعامداعى وزەكتى ماسەلەلەردى شەشۋگە, ءاربىر ازاماتتى الەۋمەتتىك جاعىنان قورعاۋعا, قازاقستاندىقتاردىڭ ءومىر ساپاسىن جاقسارتۋعا ىقپال ەتەتىنىن ايتتى.
«Nur Otan» پارتياسىنىڭ پارلامەنتتەگى فراكتسيا مۇشەلەرى پارتيانىڭ سايلاۋالدى باعدارلاماسىن جۇيەلى تۇردە ىسكە اسىرۋعا جۇمىلىپ وتىرعاندىعىن ايتا وتىرىپ, وسى باعدارلاما نەگىزىندە جاسالعان جول كارتاسى ءاربىر ءوڭىردىڭ وزەكتى ماسەلەلەرىن ناقتى شەشۋگە قىزمەت ەتەتىنىنە نازار اۋداردى.
«Nur Otan» پارتياسىنىڭ شىمكەنت قالالىق فيليالى دا پارتيانىڭ سايلاۋالدى باعدارلاماسىنىڭ نەگىزىندە قالانىڭ دامۋىنا ىقپال ەتەتىن ماسەلەلەر بويىنشا جول كارتاسى قابىلدانعانىن, ولاردى تابىستى ىسكە اسىرۋعا مەملەكەت قارجىسىنىڭ بولىنۋىنە پارلامەنت دەپۋتاتتارى قولداۋ كورسەتىپ وتىرعانىن جەتكىزدى.
قالا باسشىسى ءوز سوزىندە پارتيا فيليالىنىڭ ناقتى ءىس-قيمىلىن ايقىندايتىن بۇل قۇجات قالانىڭ تۇتاستاي دامۋىنا سەرپىن بەرەتىنىن ايتا وتىرىپ, العا قويعان ماقساتتاردىڭ ورىندالۋىنا قوعامدىق باقىلاۋ جۇرگىزۋگە پارتيا مۇشەلەرى بەلسەندى تۇردە قاتىسۋى كەرەك دەدى.
ايتا كەتسەك, قازاقستان رەسپۋبليكاسى پارلامەنتى ءماجىلىسىنىڭ VII شاقىرىلىمداعى I سەسسياسىنىڭ جۇمىسى 30 ماۋسىم كۇنى اياقتالعان بولاتىن. سەسسيا بارىسىندا پارلامەنت ءماجىلىسىنىڭ دەپۋتاتتارى 100-دەن اسا زاڭ جوبالارىن قاراپ, 63 زاڭ جوباسى مەملەكەت باسشىسىنا قول قويۋعا ۇسىنىلعان.
قالىپتاسقان ساياسي ءداستۇر بويىنشا پارلامەنت دەپۋتاتتارى وزدەرى سايلانعان وڭىرلەرگە, شالعايداعى اۋىلدىق جەرلەرگە بارىپ, پارتيانىڭ سايلاۋالدى باعدارلاماسىنىڭ ورىندالۋى جونىندە سايلاۋشىلارمەن كەزدەسۋلەر وتكىزەدى. حالىقپەن تىكەلەي وتەتىن كەزدەسۋلەردىڭ بەلگىلەنگەن فورماتى ەلدەگى ەپيداحۋالعا بايلانىستى وزگەرىپ, باسىمدىق قۇرىلىس الاڭدارىندا, ەڭبەك ۇجىمدارىندا, وزەكتى ماسەلەلەر ساناتىنداعى وبەكتىلەردە شاعىن عانا توپتارمەن وتەتىن كەزدەسۋلەرگە بەرىلىپ وتىر.
