شىمكەنت قالاسى ەپيدەميولوگيالىق جاعداي بويىنشا «قىزىل ايماققا» ءوتتى. قالادا ۆيرۋس جۇقتىرعاندار سانى ءۇش كۇن بويى 100-دەن جوعارى بولىپ وتىر. وسىنى نەگىزگە العان قالا اكىمى مۇرات ايتەنوۆ كارانتيندىك شەكتەۋلەردىڭ ورىندالۋىن قاتاڭ باقىلاۋدى تاپسىردى. سونىمەن قاتار, تۇرعىندار اراسىندا ۆاكتسيناتسيا تۋرالى ءتۇسىندىرۋ جۇمىستارىن جۇرگىزۋدى مىندەتتەدى.
قالالىق دەنساۋلىق ساقتاۋ باسقارما باسشىسىنىڭ ورىنباسارى ا.بەكباۋوۆانىڭ ايتۋىنشا, قازىر قالا بويىنشا 45 بەكەتتە ۆاكتسينالاۋ جۇمىستارى جۇرگىزىلىپ جاتىر. ەكپە العاندار سانى 50 پايىزدان اسقان.
«قالادا 536 مىڭ ادام ينفەكتسياعا قارسى ەكپە سالدىرۋ قاجەت بولسا, بۇگىنگى تاڭدا 267 595 ادام ءبىرىنشى كومپونەنتىن الدى. بۇل ۆاكتسيناتسيا جوسپارىنىڭ 50%-ىن قۇرايدى. ازىرگە شىمكەنت ۆاكتسينا العاندار ۇلەسى بويىنشا كوش باستاپ تۇر», دەدى ا.بەكباۋوۆا.
