شقو اكىمدىگىنىڭ حابارلاۋىنشا, قازىرگى ۋاقىتتا وڭىردەگى ساۋدا قىزمەتكەرلەرىنىڭ 55%-دان استامى, مەديتسينا قىزمەتكەرلەرىنىڭ 96%-ى, كۇش قۇرىلىمدارىنىڭ 91%-ى, پەداگوگتاردىڭ 83%-ى, ستۋدەنتتەردىڭ 49%-ى ۆاكتسينا العان.
جالپى, وبلىس بويىنشا قىزمەت كورسەتۋ, ساۋدا, قوعامدىق تاماقتانۋ, ءبىلىم بەرۋ, دەنساۋلىق ساقتاۋ, قۇقىقتىق ءتارتىپتى قامتاماسىز ەتۋ, تۋريزم جانە ت. ب. سالالارداعى قىزمەتكەرلەردىڭ 66%-ى ۆاكتسينا الدى.
وبلىس باسشىسى دانيال احمەتوۆ ەلىمىزدىڭ باس مەملەكەتتىك سانيتار دارىگەرىنىڭ جاڭا قاۋلىسىنا سايكەس قازاقستاننىڭ بارلىق ايماعىنداعى COVID-19-عا قارسى ۆاكتسينا الماعانداردىڭ جۇمىسقا شىعۋى شەكتەلەتىنىن اتاپ ءوتتى. بۇل تىزىمگە سوڭعى 3 اي ىشىندە تۇراقتى مەديتسينالىق قارسى كورسەتىلىمى بولعان جانە كۆي-مەن اۋىرىپ جازىلعان ادامدار كىرمەيدى.
وسىعان بايلانىستى, ايماق باسشىسى شىعىس قازاقستان وبلىسىنىڭ قالالارى مەن اۋداندارىنىڭ اكىمدەرىنە ەكى كۇندە قاۋلىدا كورسەتىلگەن سالالاردىڭ قىزمەتكەرلەرىن ۆاكتسينالاۋ كەستەسىن ازىرلەۋدى جانە ۆاكتسينالاۋدىڭ ءبىرىنشى كەزەڭىن 15-شىلدەگە دەيىن اياقتاۋدى تاپسىردى.
