كوروناۆيرۋس • 01 شىلدە، 2021

ۆاكتسينا سالدىرعان ستۋدەنتتەرگە قانداي جەڭىلدىكتەر جاسالادى؟

440 رەت كورسەتىلدى

ەلىمىزدەگى جوعارى وقۋ ورىندارى ستۋدەنتتەر مەن وقىتۋشىلاردى ۆاكتسينا الۋعا ىنتالاندىرۋ ماقساتىندا ءتۇرلى اكتسيا ۇيىمداستىرا باستادى، دەپ حابارلايدى Egemen.kz.

بۇگىنگى تاڭدا 10 جوعارى وقۋ ورنى بۇرىن ەكپە العان ءبىلىم الۋشىلار مەن وقىتۋشىلار اراسىندا اكتسيالار وتكىزۋ ءۇشىن جەدەل شارالار قابىلدادى. ونىڭ بىرقاتارى ءتۇرلى سىيلىقتار مەن جەڭىلدىكتەردەن تۇرادى. 

ءال-فارابي اتىنداعى قازاق ۇلتتىق ۋنيۆەرسيتەتى:

  • 3 اي كولەمىندە ستۋدەنتتەر ۇيىندە تۇرۋعا جەڭىلدىك
  • وقىتۋشىلار، قىزمەتكەرلەر مەن ستۋدەنتتەر ءۇشىن ىستىقكولگە جەڭىلدەتىلگەن جولدامالار
  • قازاقستاننىڭ كورىكتى جەرلەرىنە تۋريستىك ساپارلار
  • ۋنيۆەرسيتەت اسحانالارىندا ستۋدەنتتەر مەن قىزمەتكەرلەرگە 1 ايعا تەگىن تاماقتانۋ تالونى
  • ستۋدەنتتەرگە جول اقىسىن قوسىمشا تولەۋ
  • باعالى سىيلىقتار
  • ستۋدەنتتەر مەن قىزمەتكەرلەرگە ارنالعان اعىلشىن ءتىلىن وقىتۋ سەرتيفيكاتتارى
  • اعىلشىن ءتىلى بويىنشا IELTS/TOEFL ەمتيحاندارىنا دايىندالۋعا جەڭىلدىك

 ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى:

  • ساۋىقتىرۋ ورتالىقتارىنا 50 تەگىن جولداما
  • تۇركىستان جانە سەمەي قالالارىنداعى تاريحي ورىندارعا تەگىن جولدامالار
  • ستۋدەنتتىك سپورت ورتالىعىنا تەگىن ابونەمەنتتەر
  • قازاق جانە اعىلشىن تىلدەرىن ۇيرەنۋگە ارنالعان تەگىن سەرتيفيكاتتار
  • ۆاكتسيناتسيالانعان وقىتۋشىلارعا ىرى ساۋدا ورتالىقتارىنىڭ 40 اقشالاي سەرتيفيكاتى

 نارحوز ۋنيۆەرسيتەتى:

  • ۆاكتسيناتسيالانعان تالاپكەرلەرگە ارنالعان جوو-نىڭ جەكە گرانتتارى (تالاپ ەتىلەتىن GPA ساقتالعان جاعدايدا مەرزىمدى ۇزارتۋ مۇمكىندىگىمەن ءبىر كۋرستا وقۋ اقىسىن تولەۋ)
  • 2، 3، 4-كۋرس ستۋدەنتتەرى، ماگيسترانتتار مەن دوكتورانتتار ءۇشىن جوو-نىڭ جەكە گرانتتارى (تالاپ ەتىلەتىن GPA ساقتالعان جاعدايدا مەرزىمدى ۇزارتۋ مۇمكىندىگىمەن ءبىر كۋرستا وقۋ اقىسىن تولەۋ)
  • Curriculum سايكەس MBA ءبىر كۋرسىن (ديستسيپلينانى) تەگىن وقۋعا 3 ورىن

 ح. دوسمۇحامەدوۆ اتىنداعى اتىراۋ ۋنيۆەرسيتەتى:

  • جوو-نىڭ ۆاكتسيناتسيالانعان قىزمەتكەرلەرى مەن وقىتۋشىلارىنا 10 000 تەڭگە مولشەرىندە بىرجولعى سىيلىقاقى
  • ستۋدەنتتەر ۇيىندەگى باسسەينگە بارۋعا 50% جەڭىلدىك
  • 30 ستۋدەنتكە تۋريستىك جولداما
  • 3 نوۋتبۋك
  • ۆاكتسيناتسيالانعان ستۋدەنتتەر اراسىندا وقۋ اقىسىن تولەۋ كەزىندە 30، 50، 100% جەڭىلدىك الۋعا لوتەرەيا ۇتىسى
  • اعىلشىن ءتىلىن وقىتۋ بويىنشا تەگىن كۋرستار

اباي اتىنداعى قازاق ۇلتتىق پەداگوگيكالىق ۋنيۆەرسيتەتى

  • 100 ءبىلىم الۋشىعا ءبىر جىلدىق وقۋ اقىسىنا (2021-2022 وقۋ جىلىنا) 5% جەڭىلدىك
  • 50 ءبىلىم الۋشىعا 20 000 تەڭگە اقشالاي سىياقى
  • 50 ءبىلىم الۋشىعا قاپشاعاي جاعاجايىنداعى «ۇستاز» دەمالىس ورنىنا جولداما
  • 60 باكالاۆر تۇلەگىنە  ماگيستراتۋراعا ءتۇسۋ ءۇشىن «I teach in English» اعىلشىن ءتىلى بويىنشا دايىندىق كۋرسىنا تەگىن سەرتيفيكات
  • 20 ءبىلىم الۋشىعا كىتاپ ساتىپ الۋ ءۇشىن 10 000 تەڭگە كولەمىندەگى سەرتيفيكات
  • 100 ءبىلىم الۋشىعا «Abai University» يميدجدىك ونىمدەر جيىنتىعى 

 د. سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى:

  • «ۇزدىك كۋراتور-موتيۆاتور» بايقاۋىنىڭ جەڭىمپازىنا تۋريستىك جولداما نەمەسە اباي تۋعان جەرىنە ساياحات
  • 15 000 تەڭگە سوماسىنا 50 سەرتيفيكات
  • 2021-2022 وقۋ جىلىندا وقۋ اقىسىن تولەۋ كەزىندە 5% جەڭىلدىك

 قورقىت اتا اتىنداعى قىزىلوردا ۋنيۆەرسيتەتى:

  • قر تاۋەلسىزدىگىنىڭ 30 جىلدىعىنا وراي ستۋدەنتتەرگە نۇر-سۇلتان قالاسىنا 30 تەگىن جولداما
  • قىزمەتكەرلەر مەن ستۋدەنتتەرگە سپورت-ساۋىقتىرۋ كەشەنىندە باسسەينگە ارنالعان 30 تەگىن ابونەمەنت
  • جازعى ساۋىقتىرۋ لاگەرىنە ستۋدەنتتەرگە ارنالعان 30 تەگىن جولداما
  • قىزمەتكەرلەر مەن ستۋدەنتتەرگە فيتنەس-زالعا 30 تەگىن ابونەمەنت
  • 30 ستۋدەنتكە ءبىر وقۋ جىلىنىڭ كولەمىندە جاتاقحانادا تۇرۋلارىنا 50% جەڭىلدىك

 ا. بايتۇرسىنوۆ اتىنداعى قوستاناي وڭىرلىك ۋنيۆەرسيتەتى:

  • كونستيتۋتسيا كۇنىنە قىزمەتكەرلەر مەن وقىتۋشىلارعا سىياقى بەرۋ
  • «سوسنوۆىي بور» شيپاجايىنا 10 تەگىن جولداما
  • 2021-2022 وقۋ جىلىندا وقۋ اقىسىن تولەۋ كەزىندە 10% جەڭىلدىك
  • 2021-2022 وقۋ جىلىندا اسكەري كافەدرانىڭ وقۋ اقىسىن تولەۋ كەزىندە 10% جەڭىلدىك
  • قوسىمشا ءبىلىم بەرۋ كۋرستارىن تەگىن ۇيىمداستىرۋ
  • 2021-2022 وقۋ جىلىندا ستۋدەنتتەر ۇيىندە تۇرۋعا 50% جەڭىلدىك

 م. اۋەزوۆ اتىنداعى وڭتۇستىك قازاقستان ۋنيۆەرسيتەتى

ستۋدەنتتەر ءۇشىن:

  • تۇركىستان مەن قازىعۇرتتىڭ كيەلى جەرلەرىنە ءبىر كۇندىك اۆتوتۋر-ەكسكۋرسيا
  • ۋنيۆەرسيتەت لاگەرىندەگى 3 كۇندىك جازعى مەكتەپ
  • ۆاكتسيناتسيالانعان ستۋدەنتتەر اراسىندا Shymkent BIKE-دەن ءبىر ايلىق ابونەنتتىك بيلەتتەردىڭ ۇتىس ويىنىن ۇيىمداستىرۋ
  • 5 ءبىلىم الۋشىعا TOEFL ەمتيحانىن تەگىن تاپسىرۋ مۇمكىندىگى         

وقىتۋشىلارى مەن قىزمەتكەرلەرى ءۇشىن:

  • سارىاعاشتاعى ساناتورلىق-كۋرورتتىق دەمالىسقا 10 جولداما (ۇتىس ويىنى كەزدەيسوق سانداردى گەنەراتسيالاۋ ادىسىمەن ويناتىلادى)
  • 10 وقىتۋشى مەن قىزمەتكەر ءۇىشن TOEFL ەمتيحانىن تەگىن تاپسىرۋ مۇمكىندىگى
  • ۋنيۆەرسيتەتتىڭ 8 وقىتۋشىسى مەن قىزمەتكەرى جاتاقحانادا 1 اي مەرزىمدە (تامىز) تەگىن تۇرادى
  • 30 قىزمەتكەر مەن وقىتۋشىنى اقشالاي كوتەرمەلەۋ

 قازاق ۇلتتىق قىزدار پەداگوگيكالىق ۋنيۆەرسيتەتى:

  • ۆاكتسيناتسيالانعان ستۋدەنتتەر مەن وقىتۋشىلار ءۇشىن اعىلشىن ءتىلى كۋرستارىنا تەگىن سەرتيفيكاتتار.

ەسكە سالا كەتەيىك، بۇعان دەيىن ءبىلىم جانە عىلىم مينيسترلىگى ۆەدومستۆو باسشىسى ا. ايماعامبەتوۆ ستۋدەنتتەر مەن وقىتۋشىلاردىڭ دەنساۋلىعىن قورعاۋ ءۇشىن ۆاكتسيناتسيالاۋعا ىنتالاندىرۋ جونىندە تاپسىرما بەرگەن بولاتىن.

سوڭعى جاڭالىقتار

جىل ءسوزى

الەم • كەشە

ۇقساس جاڭالىقتار