مەموراندۋمنىڭ ماقساتى – قازاقستانداعى ەرىكتىلەر قوزعالىسىنا قانداس جاستاردى تارتۋ. قانداستاردى قولداۋ ماقساتىنداعى ەرىكتىلەر جۇمىسىن ۇيىمداستىرۋ.
الداعى ۋاقىتتا ەكى جاقتى كەلىسىمنىڭ نەگىزىندە جوسپار قۇرىلىپ, ءارتۇرلى باعىتتا جۇمىستار اتقارىلادى. اسىرەسە, ەرىكتى قانداس ستۋدەنتتەردىڭ قۇرامىن جاساقتاۋ, قانداستارعا اقپاراتتىق قولداۋ كورسەتۋ, مادەني جانە ءبىلىم سالاسىنداعى شارالاردى ۇيىمداستىرۋ جانە ت.ب.
ەسكە سالا كەتسەك, مەملەكەت باسشىسى 2020 جىلدى «ەرىكتىلەر جىلى» دەپ جاريالاعان. وسىعان وراي, ەل اۋماعىنداعى جاستار ازاماتتىق جاۋاپكەرشىلىك تانىتىپ ءتۇرلى سالالاردا بەلسەندىلىك تانىتتى. ەندى بۇل قاتارعا قانداس جاستار دا قوسىلماق.
