تالاس اۋداندىق پوليتسيا بولىمىنە قاراتاۋ قالاسىنىڭ تۇرعىنى قوڭىراۋ شالىپ, ءۇيىنىڭ اۋلاسىندا كۇيەۋى مەن ونىڭ تۋىسىنىڭ توبەلەسىپ جاتقانىن حابارلاعان. اتالعان وقيعا كەزىندە ەر ادام اۋىر جاراقات الىپ, اۋداندىق اۋرۋحانادا كوز جۇمعان. پوليتسەيلەر «كىسى ءولتىرۋ» بابى بويىنشا سوتقا دەيىنگى تەرگەۋدى باستاپ, كۇدىكتىنى ء«ىزىن سۋىتپاي» ۇستادى.
«جابىرلەنۋشىنىڭ مەكەن-جايىنا ونىڭ 1995 جىلى تۋعان تۋىس ءىنىسى بۇرىن ارالارىندا بولعان ارازدىقتارىن شەشۋ ءۇشىن كەلىپ, جانجال شىعارعان. ناتيجەسىندە ارالارىنداعى داۋ توبەلەسكە اينالىپ, كۇدىكتى جابىرلەنۋشىنىڭ باسىنان تاسپەن ۇرىپ, سوڭى ولىمگە الىپ كەلگەن. ال ءوزى وقيعا بولعان جەردەن بوي تاسالاعان», دەدى جامبىل وبلىسى پد تەرگەۋ باسقارماسىنىڭ باستىعى ءابسامات بەكمۇحامبەتوۆ.
مەديتسينالىق ساراپتاما قورىتىندىسىنا سايكەس, كۇدىكتى ماس كۇيدە بولعان. ول ءوز قىلمىسىن تولىق مويىندادى.
كۇدىكتى قازىر ۋاقىتشا ۇستاۋ يزولياتورىندا. سوتقا دەيىنگى تەرگەۋ جۇرگىزىلۋدە.
