ايماقتار • 30 ماۋسىم، 2021

اتىراۋدا ۆاكتسينا العاندار اراسىندا قارجىلاي ۇتىس ويىنى باستالدى

347 رەت كورسەتىلدى

بۇگىن وبلىستىق «ازاماتتىق اليانس» زاڭدى تۇلعالار بىرلەستىگى ۆاكتسينا العاندار اراسىندا اقشالاي ۇتىس ويىنىن باستادى، دەپ حابارلايدى Egemen.kz.

«اقشالاي ۇتىستىڭ جۇلدە قورى 40 ميلليون تەڭگە. ونىڭ 10 ميلليون تەڭگەسى باس جۇلدەگە بەرىلەدى. بۇگىن، 30 ماۋسىمىنان باستاپ 200 مىڭ تەڭگەلىك 10 سەرتيفيكات ءار ون كۇن سايىن 30 قىركۇيەككە دەيىن ۆاكتسينا العاندار اراسىندا ويناتىلادى. تامىز ايىندا 30 ماۋسىم-31 شىلدە ارالىعىندا ۆاكتسينا العاندار ءۇشىن 3 ميلليون تەڭگە كولەمىندە 2 سەرتيفيكات ۇتىسقا شىعارىلادى. ال، قىركۇيەكتە 1-31 تامىز ارالىعىندا ەكپە العاندار ءۇشىن تاعى 3 ميلليون تەڭگەءنىڭ 2 سەرتيفيكاتى ويناتىلادى. قازان ايىندا باس جۇلدە – 10 ميلليون تەڭگەنى ۇتۋ ءۇشىن 1 اقپان-30 قىركۇيەك ارالىعىندا ۆاكتسينانىڭ ءى نەمەسە ءىى كومپونەنتىن سالدىرعان تۇرعىندار قاتىسادى» دەيدى «ازاماتتىق اليانس» زتب توراعاسى الىبەك سەمعاليەۆ.

ونىڭ ايتۋىنا قاراعاندا، جەڭىمپازدار اتىراۋ وبلىستىق «ازاماتتىق اليانس» زتب-نىڭ الەۋمەتتىك جەلىسىندەگى تىكەلەي ەفيرىندە انىقتالادى. وعان اكتسيانىڭ اشىقتىعىن قامتاماسىز ەتۋ ءۇشىن ۇكىمەتتىك ەمەس ۇيىمداردىڭ وكىلدەرى، بلوگەرلەر مەن قوعام بەلسەندىلەرى تارتىلماق.

 

سوڭعى جاڭالىقتار

جىل ءسوزى

الەم • كەشە

ۇقساس جاڭالىقتار