ونىڭ ايتۋىنشا, قازىرگى كەزدە حالىق اراسىندا ۆاكتسيناتسياعا دەگەن ۇمتىلىس ارتىپ وتىر. سوڭعى تاۋلىكتە 88 مىڭنان استام ادام ءبىرىنشى كومپونەنتپەن, 46 مىڭنان استامى ەكىنشى كومپونەنتپەن ەگىلدى.
«سوڭعى مالىمتتەرگە سايكەس, قازاقستان بويىنشا 3 335 172 ادام ۆاكتسينانىڭ ءبىرىنشى دوزاسىن السا, 2 596 000 ادام 2-ءشى دوزاسىن سالدىردى. حالىق اراسىندا سىرقاتتانۋشىلىق جاعدايىنىڭ وزەكتى ماسەلەلەرىنىڭ تاعى ءبىرى – ستاتسيونارلارعا جاتقىزىلعان ادامدار سانى. قازىرگى كەزدە 596 ناۋقاستىڭ جاعدايى اۋىر, ونىڭ ىشىندە 103-ءى وتە اۋىر جاعدايدا, 67-ءى ءوجج-مەن قامتاماسىز ەتىلدى. سونىمەن قاتار ستاتيستيكالىق مالىمەتتەرگە جۇرگىزىلگەن تالداۋعا سايكەس, سوڭعى 7 كۇندە جۇقپالى اۋرۋلار ستاتسيونارلارىندا جاتىن ورىنداردى قامتاماسىز ەتۋ 25%-دان 29%-عا دەيىن ارتقان, رەانيماتسيالىق توسەك-ورىندار قاجەتتىلىگى 20%-دان 24%-عا دەيىن ءوستى», دەدى ا.قۋاتباەۆا.
سپيكەر باسقا مەملەكەتتەرمەن ۆاكتسيناتسيا پاسپورتىن ءتيىمدى پايدالانۋ جونىندە كەلىسسوزدەر جۇرگىزىلىپ جاتقانىن اتاپ ءوتتى. بۇگىندە ۆەنگريا, تايلاند, موڭعوليا ازاماتتارىنىڭ ەگۋ پاسپورتى ەلىمىزدە قابىلدانادى, ال قازاقستاندىق ۆاكتسيناتسيا پاسپورتى اتالعان ەلدەردە پايدالانۋعا جارامدى.
