قر تجم جانىنداعى مەملەكەتتىك ماتەريالدىق رەزەرۆتەر قورى اقپاراتىنا سۇيەنسەك, بۇعان دەيىن جەلىدە قازاقستاننان اكەلىنگەن ۇننىڭ ساقتاۋ مەرزىمى شەكتەۋلى ەكەنى تۋرالى اقپارات جاريالانعان. قور بۇل اقپارات جوققا شىعاردى.
«2021 جىلى مامىردا رەسپۋبليكاعا گۋمانيتارلىق كومەك جەلىسى بويىنشا قازاقستان رەسپۋبليكاسىنان 10 مىڭ توننا مولشەرىندە جوعارى, ءبىرىنشى سۇرىپتى ۇن كەلىپ ءتۇستى. ول بارلىق ساپالىق كورسەتكىش بويىنشا ەاەو جانە مەملەكەتتىك ستاندارت نورماتيۆتىك قۇجاتتارىنىڭ تالاپتارىنا سايكەس كەلەدى. باۋىرلاس حالىق تاراپىنان بۇل كومەك ۇنەمى, اسىرەسە قىرعىزستان ءۇشىن قيىن ۋاقىتتا كورسەتىلەدى. مىسالى, 2020 جىلى كوروناۆيرۋس پاندەمياسى ورتاسىندا بەس مىڭ توننا مولشەرىندە ۇن مەن گۋمانيتارلىق كومەك كورسەتىلدى», دەلىنگەن حابارلامادا.
ۆەدومستۆو مالىمەتى بويىنشا, ماۋسىم ايىنان باستاپ قىرعىزستاندا اۋا تەمپەراتۋراسى 32-35 گرادۋسقا دەيىن جانە ودان جوعارى كوتەرىلەدى, شىلدەدە اپتاپ كۇتىلەدى. بۇل قاپتاعى ۇندى ساقتاۋ شارتتارىنا تەرىس اسەر ەتەدى.
«مينيسترلەر كابينەتى قازاقستان رەسپۋبليكاسىنان كەلگەن گۋمانيتارلىق ۇننىڭ ساپا كورسەتكىشتەرىنىڭ ناشارلاۋىنا جول بەرمەۋ ماقساتىندا وسى ۇندى ساتىپ, ودان تۇسكەن قارجىعا مەملەكەتتىك رەزەرۆكە ۇزاق ۋاقىتقا ساقتاۋ ءۇشىن ازىق-ت ۇلىك بيدايىن ساتىپ الۋ, سول ارقىلى رەسپۋبليكانىڭ ازىق-ت ۇلىك قاۋىپسىزدىگىن قامتاماسىز ەتۋ تۋرالى شەشىم شىعاردى», دەپ ءتۇسىندىردى قور وكىلدەرى.
ەسكە سالايىق, مامىردا پرەزيدەنت قاسىم-جومارت توقاەۆ قىرعىزستانعا گۋمانيتارلىق كومەك كورسەتۋدى تاپسىرعان بولاتىن.
