جول قوزعالىسىن جان-جاقتان باقىلاپ تۇراتىن بەينەكامەرالار ورناتىلعاننان بەرى حالىقتىڭ كوكەيىندە كوپ سۇراق ءجۇر. سوعان وراي شىعىس قازاقستان وبلىسى پوليتسيا دەپارتامەنتى اكىمشىلىك پوليتسيا باسقارماسى باستىعىنىڭ ورىنباسارى, پوليتسيا پولكوۆنيگى ەركىن انۋاربەك ۇلىمەن اڭگىمەلەسكەن ەدىك.
– «سەرگەك» كامەرالارى ورناتىلماس بۇرىن جۇرگىزۋشىلەر اراسىندا سان ءتۇرلى پىكىرلەر ايتىلدى. باسىم كوپشىلىگىءنىڭ قارسى پىكىردە بولعانى دا شىندىق. جىل وتپەي جاتىپ, كوبى ۇيرەنىسىپ كەتءتى. كەرىسىنشە پايداسى بار سياقتى.
– ەڭ بىرىنشىدەن, بەينەباقىلاۋ ءجۇيەسى قالا كوشەلەرىندە قۇقىق بۇزۋشىلىقتىڭ الدىن الۋعا كوپ سەپتىگىن تيگىزىپ جاتىر. ەگەر, قانداي دا ءتارتىپ بۇزىلسا, بەينەكامەرالارداعى جازبالار تەرگەۋ امالدارىن جۇرگىزۋدى نەعۇرلىم جەڭىلدەتەدى. جالپى جول قوزعالىسىن باقىلاۋعا ارنالعان 1228 كامەرا جۇمىس ىستەپ تۇر. ول قۇرىلعىلار مەملەكەتتىك تىركەۋ بەلگىلەرىن تانۋ, جىلدامدىقتى ارتتىرعانداردى بەينە جانە فوتوعا ءتۇسىرۋ مۇمكىندىكتەرى بار.
– ءيا, قۇقىق بۇزۋشىلىقتىڭ الدىن الىپ جاتىر. كوپشىلىكتىڭ بىلگىسى كەلەتىنى, «سەرگەك» قانشا قاشىقتىقتان تۇسىرەدى؟
– جىل باسىنان بەرى 19 ماۋسىمعا دەيىنگى ارالىقتا 53 780 بۇزۋشىلىق تىركەلدى. ولاردىڭ 30 163 ايىپپۇل تولەءدى. نۇسقاۋلاردى جەتكىزۋ گيبريدتى پوشتا ارقىلى جانە 1414 نومىرىنەن SMS حابارلاما ارقىلى جۇزەگە اسىرىلادى. ال كوپشىلىكتىڭ سۇراعىنا جاۋاپ بەرەر بولسام, جىلدامدىقتى بەلگىلەۋ كەزىندە قاتەلىك ساعاتىنا 4 كم قۇرايدى. قۇقىق بۇزۋشىلىقتاردى 20 مەتردەن 100 مەترگە دەيىنگى ارالىقتاردا تىركەي بەرەدى.
– «سەرگەك» كامەرالارىنا ءتۇسىپ قالىپ,ايىپپۇلدى بۇرىنعىداي 7 كۇن ءىشىندە تولەسە, جەڭىلدىك بار ما؟
– ءيا, قر اقبتك-ءنىڭ 811-بابىنا سايكەس, ەگەر اكىمشىلىك قۇقىق بۇزۋشىلىق اۆتوماتتى رەجيمدە جۇمىس ىستەيتىن سەرتيفيكاتتالعان ارنايى باقىلاۋ-ولشەۋ تەحنيكالىق قۇرالدارىمەن تىركەلگەن بولسا, تۇلعا ايىپپۇل تولەۋ تۋرالى نۇسقاما جەتكىزىلگەن كەزدەن باستاپ 7 تاۋلىك ىشىندە كورسەتىلگەن سومانىڭ 50% مولشەرىندە تولەۋگە قۇقىلى.
– كەيبىر جاعدايدا جۇرگىزۋشىلەر ءدال كامەرانىڭ الدىندا تۇتاس سىزىقتى كەسۋگە, اسىپ كەتۋگە ءماجبۇر بولادى. ماسەلەن, جەدەل جاردەم كەلە جاتسا...
– ەگەر كولىك قۇرالىن باسقارۋ كەزىندە امالسىزدان تۇتاس سىزىقتى كەسىپ وتسە, اكىمشىلىك جاۋاپكەرشىلىككە تارتىلمايدى. بىراق, وسكەمەندەگى قابانباي باتىر كوشەسى, 152 مەكەنجايىنداعى پوليتسيا بولىمىنە بارىپ, ءوتىنىش بەرۋىڭىز كەرەك. ءوزىڭىز ايتقانداي, جەدەل جاردەمدى وتكىزسەڭىز نەمەسە جول جۇمىستارىن جوندەۋ كەزىندە ەرەجە بۇزىلسا, ايتقانىمداي ءوتىنىش بەرگەن ءجون.
ەگەر ءسىز كولىك قۇرالىنىڭ يەسى بولا تۇرىپ,ءمىندەتتى ساقتاندىرۋ شارتىنا سايكەس كولىگىڭىزدى باسقا تۇلعا باسقارىپ كەلە جاتىپ, ەرەجە بۇزسا, ءسىزدى اكىمشىلىك جاۋاپكەرشىلىكتەن بوساتۋ ءۇشىن قازاقستان كوشەءسى, 59/1 مەكەنجايىنداعى «سەرگەك» ابك-گە جۇگىنۋ قاجەت. البەتتە, ەرەجە بۇزعان ازامات كۋالىگىن الىپ, بىرگە بارۋى كەرەك.
– وسى كامەرالاردىڭ كومەگىمەن اشىلعان قىلمىستار كوپ پە؟
– جىل باسىنان بەينەباقىلاۋ ينسپەكتورلارى وسكەمەندە «سەرگەك» ارقىلى 62 قىلمىستىق قۇقىق بۇزۋشىلىق اشىلدى. ونىڭ ىشىندە الاياقتىق, توناۋ, بۇزاقىلىق, ۇرلىق, ءتىپتى ادام ءولتىرۋ دە بار.
– مۇنداي كامەرالار سەمەي قالاسىندا دا ورناتىلادى دەگەن ءسوز شىققان ەدى...
– ءيا, بيىل وبلىس اكىمدىگىنىڭ قولداۋىمەن سەمەيدەگى قىرىق شاقتى جول قيىلىسىندا, جانە 74 جەلىلىك ۋچاسكەلەردە «سەرگەك» كامەرالارىن ورناتۋ جوسپارلانعان.
– وسى «سەرگەكتىڭ» كوزىنە تۇسپەۋ ءۇشىن جۇرگىزۋشىلەر ءتۇرلى امال جاساپ جاتادى. كومەگى بار ما؟
– ەڭ دۇرىسى, جۇرگىزۋشى مادەنيەتىن ساقتاپ, ەرەجەنى بۇزباي ءجۇرۋ عوي. ول دەگەنىمىز – ءسىزدىڭ, جولاۋشىلاردىڭ قاۋىپسىزدىگى. وسىنى تۇسىنسە ەكەندەيمىن.
