وقيعا • 25 ماۋسىم، 2021

قاراعاندىدا 4 جاسار بالا تەرەزەدەن قۇلاپ كەتتى

18 رەت كورسەتىلدى

قاراعاندىدا كوپقاباتتى ءۇيدىڭ ەكىنشى قاباتىندا ورنالاسقان پاتەردىڭ تەرەزەسىنەن 4 جاستاعى بالا قۇلاپ كەتتى. ول ءتۇرلى جاراقاتپەن اۋرۋحاناعا جەتكىزىلدى، دەپ حابارلايدى Egemen.kz.

«24 ماۋسىم كۇنى كەشكە قاراعاندى قالاسىنىڭ 14-شاعىناۋدانىندا 2-قاباتتا ورنالاسقان پاتەردىڭ تەرەزەسىنەن 2017 جىلى تۋعان قىز بالا قۇلاپ ءتۇستى. بالانىڭ اتا-اناسى سول ساتتە كورشى بولمەدە بولعان. بالا ءتۇرلى جاراقاتتارمەن مەديتسينالىق مەكەمەگە جاتقىزىلدى»، دەپ حابارلادى قاراعاندى وبلىسىنىڭ تجد.

دارىگەرلەر بالانىڭ جاعدايى ورتاشا اۋىرلىق دارەجەدە دەپ مالىمدەدى.

«بالانىڭ باس ميى شايقالىپ، جامباس بۋىنى شىعىپ، بالالار جاراقات بولىمىنە جاتقىزىلدى. جاعدايى ورتاشا اۋىرلىقتا دەپ باعالانادى»، دەپ ءتۇسىندىردى قاراعاندى وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى.

قاراعاندى وبلىسىنىڭ توتەنشە جاعدايلار دەپارتامەنتى جاس بالالاردىڭ تەرەزەدەن قۇلاۋ فاكتىلەرىنىڭ جيىلەپ كەتۋىنە بايلانىستى الاڭداۋشىلىق بىلدىرۋدە.

تجد قىزمەتكەرلەرى پوليتسيامەن بىرلەسىپ بارلىق جەردە بالالار قاۋىپسىزدىگى شارالارىن ءتۇسىندىرۋ بويىنشا ۇگىت-ناسيحات جۇمىستارىن جۇرگىزۋدە. بىراق، ادەتتە، جازدا بالالاردىڭ قۇلاپ كەتۋ فاكتىلەرى ارتادى. ەرەسەكتەر كەيدە بالانى بىرنەشە سەكۋندقا قاراۋسىز قالدىرۋدىڭ ورنى تولماس سالدارعا اكەلۋى مۇمكىن ەكەنىن ەستە ۇستاۋى كەرەك.

ەگەر ءسىز سەرگەك بولماساڭىز، بالالاردىڭ قىزىعۋشىلىعى ولىمگە اكەلۋى مۇمكىن. قاراعاندى وبلىسىنىڭ تجد ماماندارى قاۋىپسىزدىك شارالارى تۋرالى تاعى دا ەسكە سالادى:

- كىشكەنتاي بالالاردى تەرەزەلەرى اشىق ءۇي-جايلاردا جالعىز قالدىرماڭىزدار، سەبەبى قۇلاۋ جاعدايلارىنىڭ كوپشىلىگى اتا-انالار بالالارىن قاراۋسىز قالدىرعان كەزدە ورىن الادى.

- تەرەزەلەردەن بارلىق جيھازداردى الشاقتاتىپ ىسىرىپ تاستاڭىزدار، بالا ولارعا ءمىنىپ، تەرەزەنىڭ الدىنا شىعىپ كەتۋى مۇمكىن.

 - ەشقاشان موسكيت تورلارىنا سەنبەڭىزدەر! ولار قۇلاۋدان قورعاۋعا ارنالماعان! كەرىسىنشە، موسكيت تورى قايعىلى جاعدايعا ىقپال ەتەدى، ويتكەنى بالا ءوزىن قاۋىپسىز سەزىنەدى جانە وعان سۇيەنەدى. كوبىنەسە بالالار تورلارمەن بىرگە قۇلاپ كەتەدى.

- بالاعا تەرەزەنى بىرنەشە سانتيمەتردەن ارتىق اشۋعا مۇمكىندىك بەرمەيتىن ارنايى بەكىتكىشتەردى قويىڭىز.

- ەگەر سىزدە ءدال قازىر ق ۇلىپتاۋ نەمەسە ساقتاندىرۋ قۇرىلعىسىن ورناتۋ مۇمكىندىك بولماسا، تەرەزە تۇتقاسىن وڭاي بۇراپ الىپ تاستاپ، ونى تەك قاجەت بولعان جاعدايدا عانا پايدالانۋعا بولادى.

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار