قوعام • 25 ماۋسىم، 2021

قر بعم كوميتەتى كۇنى بويعى جۇمىسقا تارتىلعان 14 ءجاسوسپىرىمدى انىقتادى

13 رەت كورسەتىلدى

قر ءبىلىم جانە عىلىم مينيسترلىگى بالالاردىڭ قۇقىقتارىن قورعاۋ كوميتەتىنىڭ قىزمەتكەرلەرى كامەلەتكە تولماعان 14 بالاعا قاتىستى ەڭبەك زاڭناماسىن بۇزۋ فاكتىلەرىن انىقتادى، دەپ حابارلايدى Egemen.kz.

مينيسترلىك مالىمەتىنە سايكەس، جۇمىس بەرۋشىلەر ەڭبەك شارتىن جاساماستان 14 ءجاسوسپىرىمدى جۇمىسقا تارتىپ، ولار كۇنى بويى ەڭبەك ەتكەن. قازىر ەلدە بالالار ەڭبەگىن قاناۋعا قارسى ۇلتتىق اقپاراتتىق ناۋقان وتكىزىلۋدە.

«اقپاراتتىق ناۋقان ەلىمىزدىڭ بارلىق وڭىرىندە جۇرگىزىلدى. ءتۇسىندىرۋ جۇمىستارى بارىسىندا تۇركىستان، قاراعاندى جانە اقمولا وبلىستارىندا بالالار ەڭبەگىن زاڭسىز پايدالانۋ فاكتىلەرى انىقتالدى. ءدامحانادا داياشى جانە قۇرىلىس الاڭدارىندا جۇمىسشى بولىپ ەڭبەك ەتكەن 14 ءجاسوسپىرىمنىڭ قۇقىعى بۇزىلدى. جۇمىس بەرۋشىلەر ولاردى زاڭسىز نەگىزدە تولىق جۇمىسقا تارتقان. زاڭ بويىنشا 14 پەن 18 جاس ارالىعىنداعى كامەلەتكە تولماعاندار ءۇشىن قىسقارتىلعان جۇمىس ۋاقىتى بەلگىلەنۋى كەرەك. سونداي-اق جاسوسپىرىمدەرمەن جانە ولاردىڭ اتا-انالارىمەن ەڭبەك شارتتارى جاسالماعان»، دەدى قر بعم بالالاردىڭ قۇقىقتارىن قورعاۋ كوميتەتىنىڭ توراعاسى ەسەنعازى يمانعاليەۆ.

بالالاردى ەڭبەككە زاڭسىز تارتۋ فاكتىلەرى انىقتالعاننان كەيىن جۇمىس بەرۋشىلەرمەن جانە كامەلەتكە تولماعانداردىڭ اتا-انالارىمەن ءتۇسىندىرۋ جۇمىستارى جۇرگىزىلدى.

ايتا كەتەيىك، قر ەڭبەك زاڭناماسىنا سايكەس، 14 جاسقا تولعان وقۋشىلارعا وقۋدان بوس ۋاقىتتا دەنساۋلىعىنا زيان كەلتىرمەيتىن جۇمىستاردى ورىنداۋعا رۇقسات ەتىلەدى. 14-16 جاس ارالىعىنداعى بالالار اپتاسىنا 24 ساعاتتان، 16-18 جاستاعى جاسوسپىرىمدەر اپتاسىنا 36 ساعاتتان ارتىق جۇمىس ىستەمەۋى قاجەت. بۇل رەتتە، جۇمىس بەرۋشى كامەلەتكە تولماعان بالانىڭ وزىمەن، ونىڭ اتا-اناسىمەن، قامقورشىسىمەن نەمەسە بالا اسىراپ العان اتا-انامەن ەڭبەك شارتىن جاساۋعا مىندەتتى.

 

سوڭعى جاڭالىقتار

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار