قازاقستان • 25 ماۋسىم، 2021

پوليتسەيلەردىڭ جاڭا فورماسى قانداي بولادى؟

243 رەت كورسەتىلدى

قازاقستاننىڭ ىشكى ىستەر مينيسترلىگى پوليتسەيلەر ءۇشىن ازىرلەنگەن جاڭا ۇلگىدەگى فورمانى كورسەتتى، دەپ حابارلايدى Egemen.kz Polisia.kz سىلتەمە جاساپ.

فورمانى ازىرلەۋ كەزىندە پوليتسيا قىزمەتكەرلەرى ءۇشىن بارىنشا ىڭعايلى كيىم جاساۋعا باسا نازار اۋدارىلدى، əر ءتۇرلى كليماتتىق جاعدايدا قىزمەت اتقاراتىن قىزمەتكەرلەردىڭ تىلەكتەرى ەسكەرىلدى، سونداي-اق الەمدىك تاجىريبە زەرتتەلدى.

قىزمەت اتقارۋدىڭ ەرەكشەلىگى مەن جاعدايلارىن ەسكەرە وتىرىپ، جاڭا ۇلگىدەگى فورما ديزاينى مەن قۇرىلىمىنا قاراي پاترۋلدىك پوليتسيا قىزمەتكەرلەرىنە، سىرتقى قىزمەت قىزمەتكەرلەرىنە جانە ىشكى ىستەر ورگاندارىنىڭ باسقارۋ اپپاراتتارىنا ارنالعان كيىم بولىپ توپتاستىرىلعان. مەملەكەت باسشىسىنىڭ ۋچاسكەلىك پوليتسيا ينسپەكتورلارىنىڭ مارتەبەسى مەن تانىمالدىعىن ارتتىرۋ جونىندەگى تاپسىرماسىن ورىنداۋ شەڭبەرىندە ولار ءۇشىن جاڭا كيىمنىڭ جەكە جەلىسى ازىرلەندى.






پوليتسيا باسقارمالارى اپپاراتتارىنىڭ ايەل قىزمەتكەرلەرىنە ارنالعان كيىم جازعى كەزەڭدە كيۋگە ارنالعان كويلەكپەن تولىقتىرىلعان. قىزمەتتەردىڭ بارلىق ساناتتارى ءۇشىن «POLISIA» جارىق شاعىلىستىرعىش جازۋى بار جازعى، ماۋسىمدىق جانە قىسقى كيىم ۇلگىلەرى جاسالدى. قىزمەتكەرلەردىڭ اياق كيىمى العاش رەت وزگەرتىلدى.

كروسسوۆكالار تۇرىندە ۇسىنىلعان تاكتيكالىق اياق كيىم اياققا ىڭعايلى، اياقتى جاراقاتتانۋدان، سىرعاناۋدان قورعايدى. قالالار مەن وبلىستاردىڭ ەمبلەمالارىنىڭ نەگىزىندە كيىمنىڭ وڭ جەڭىنە وڭىرلىك جاپسىرمالار ازىرلەندى.

بۇيىمدارداعى جيەكتىڭ ءتۇسى قىزىلدان كوكشىل تۇسكە اۋىستىرىلدى. مەتالل بۇيىمدار – جەتوندار، ەمبلەمالار، جۇلدىزدار توقىما بۇيىمدارىنا اۋىستىرىلدى. جارىق شاعىلىستىرعىش ەلەمەنتتەرگە ەرەكشە نازار اۋدارىلدى.

جاڭا فورمانى ەنگىزۋ قوسىمشا قارجىلاندىرۋدى قاجەت ەتپەيدى. وعان اۋىسۋ اعىمداعى بيۋدجەتتىك باعدارلامالار شەڭبەرىندە جانە ەسكى فورمانىڭ توزۋىنا قاراي كەزەڭ-كەزەڭىمەن جۇزەگە اسىرىلاتىن بولادى.
















سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

ۇقساس جاڭالىقتار