قازاقستان • 25 ماۋسىم، 2021

ەكونوميكا 3،1 پايىزعا وسەدى

19 رەت كورسەتىلدى

بۇل – ۇلتتىق ەكونوميكا مينيسترلىگىنىڭ ءدال قازىرگى ۋاقىتقا ارنالعان رەسمي بولجامى. ۆەدومستۆو قارجى مينيسترلىگىمەن جانە ۇلتتىق بانكپەن بىرگە بولجامنىڭ كەلەسى كەزەڭى بويىنشا جۇمىس جۇرگىزىپ جاتىر. ول وسى جىلدىڭ 1 قىركۇيەگىنە دەيىن اياقتالماق.

مينيستر اسەت ەرعاليەۆتىڭ ايتۋىنشا، ەل بيلىگى بيىل ەكو­نوميكانىڭ ءوسىمى 3،5 پا­يىز­دان جوعارى بولاتىنىن مالىمدەدى. دەمەك، بولجامنىڭ كەلەسى كەزەڭىندە كورسەتكىشتەر كوتەرىلۋى مۇمكىن. بۇل بەس اي­دىڭ قورىتىندىسى بويىنشا ءوسىمنىڭ 1،6 پايىز دەڭگەيىندە قالىپتاسۋىمەن بايلانىس­تى. سەبەبى بولجامنىڭ بۇعان دەيىنگى كەزەڭىندە ءوسىم 1،2 پا­يى­ز بولادى دەلىنگەن ەدى.

– حالىقارالىق تاۋار جانە بيرجا نارىقتارىنداعى باعالاردىڭ تۇراقتالۋى باي­قالىپ وتىر. بۇگىندە مۇنايدىڭ باررەلى 75 دوللار دەڭگەيىنەن جوعارى. تۇتاستاي العاندا، الەمدىك ەكونوميكانىڭ جىلدام قارقىنمەن قالپىنا كەلە باستاعانىن كورىپ وتىر­مىز. سونداي-اق ەل ەكونو­مي­كاسىنداعى ىشكى سۇرانىستىڭ تۇراقتانۋى قىزمەت كورسەتۋ سەكتورىنىڭ وسۋىنە الىپ كەل­دى. البەتتە، ەكونوميكالىق ءوسىم، ىسكەرلىك بەلسەندىلىكتىڭ قارقىنى ۆاكتسينالاۋعا تىكە­لەي بايلانىستى بولادى. نە­­گىزگى كاپيتالعا، اسىرەسە ەكو­­­­نوميكانىڭ جەتىسپەيتىن سەك­­­تورلارىنا ينۆەستيتسيا تار­تۋ قارقىنى ەكى تاڭبالى مانمەن ءوسىپ كەلە جاتىر. مۇن­­داي فاكتوردىڭ ورىن ال­عانى قۋانىشتى، ارينە. بار­لىق فاكتوردىڭ نەگىزىندە بولجامدى ماندەردى ارتتىرۋ قاجەت دەپ سانايمىز، – دەدى ءا.ەرعاليەۆ ورتالىق كوممۋنيكاتسيالار قىزمەتىندە وتكەن بريفينگتە.

ءمينيستردىڭ ايتۋىنشا، كونترتسيكلدىك ماكرو­ەكو­نو­ميكالىق ساياسات ەكونوميكانى قولداۋدىڭ جانە ىشكى سۇ­رانىستى ىنتالاندىرۋدىڭ تەڭدەسسىز شارالارىن قام­تا­ماسىز ەتكەن.

– قۇرىلىس يندۋسترياسىندا 17 ملن شارشى مەتر تۇرعىن ءۇيدى پايدالانۋعا بەرۋ – ەلىمىز ءۇشىن رەكوردتىق كورسەتكىش. ءبىز تمد بويىنشا جان باسىنا شاققاندا تۇرعىن ءۇيدى پايدالانۋعا بەرۋدە ءبىرىنشى ورىندا تۇرمىز. سونداي-اق ەكونوميكانىڭ ناقتى سەكتورى ءوزىنىڭ تۇراقتىلىعى مەن باسەكەگە قابىلەتتىلىگىن كور­سەتتى. بۇل قارقىن تو­مەن­دەمەيدى. سوندىقتان ءبىز ءوز بولجامدارىمىزدى ارتتىراتىن بولامىز. كورسەتكىش شامامەن 3،5 پايىزدان 4 پايىزعا دەيىنگى دالىزدە بولادى. جەتى ايدىڭ كورسەتكىشتەرىن 1 قىركۇيەككە دەيىن كۇتەمىز جانە سونىڭ نەگىزىندە بولجام جاسايمىز. مەنىڭشە، ينفلياتسيا ۇلتتىق بانكتىڭ وسى جىلعا بەلگىلەگەن 4-6 پايىز دالىزىنەن جوعارى بولادى، – دەدى مينيستر.

بۇدان بولەك، ءا.ەرعاليەۆ ەلدەگى ازىق-ت ۇلىك باعاسىن تۇراقتاندىرۋ قادامدارى تۋرالى مالىمدەدى. ونىڭ ايتۋىن­شا، مەملەكەت تاراپىنان ەكو­نوميكانىڭ ناقتى سەكتورىنا كەشەندى قولداۋ كورسەتىلىپ وتىر. اتاپ ايتقاندا، يمپورتتى الماستىرۋ، ەكونوميكا جوبالارىن قولداۋ شارالارى جۇزەگە اسىرىلۋدا.

– ينۆەستيتسيالىق جوبالار ەلىمىزدە بازالىق ازىق-ت ۇلىك ونىمدەرىن وندىرۋگە مۇمكىندىك بەرەدى. اۋىل شارۋاشىلىعى مينيسترلىگىندە وسى باعىتتا ناقتى جوسپار، ينۆەستيتسيالىق جوبالار بار. 2024 جىلعا دەيىن قازاقستان ەكونوميكاسى مەن حالقىمىزدى بازالىق ازىق-ت ۇلىكپەن 100 پايىز قامتاماسىز ەتۋ ماقساتى تۇر، – دەدى ۆەدومستۆو باسشىسى.

ءمينيستردىڭ ايتۋىنشا، بۇل سالادا كوپ جاع­داي ين­­­فراقۇرىلىمنىڭ تيىم­دىلىگىنە بايلانىستى بولادى. سوندىقتان ساۋدا مينيسترلىگى ۇلتتىق تاۋار وتكىزۋ جۇيەسىن قالىپتاستىرۋ بويىنشا جۇ­مىس جۇرگىزىپ جاتىر. ونىڭ اياسىندا 24 كوتەرمە-تاراتۋ ورتا­لىعىن سالۋ جۇزەگە اسۋدا. ولار تاۋاردى جەتكىزۋ مەن ساقتاۋدىڭ زاماناۋي لو­گيستيكالىق جەلىسىن قۇرۋعا نەگىزدەلگەن. بۇل قادامدار تاۋاردى وتكىزۋدە دەلدالداردى بولدىرمايدى دەپ كۇتىلۋدە.

– وسىنداي شەشىمدەر ءونىم ساپاسىنا، باعاسىنا اسەر ەتىپ، حالىققا ازىق-ت ۇلىك تاۋار­لارىنىڭ قولجەتىمدىگىن ارتتىرادى، – دەدى ءا.ەرعاليەۆ.

مينيستر «اۋىل – ەل بەسىگى» جوباسى اياسىنداعى جۇ­­مىس­تار جالعاساتىنىن العا تارتتى. ەكى جىل ىشىندە باع­دار­لاما بويىنشا 238 اۋىل قامتىلىپ، 1،5 مىڭ نىسان سالىنىپ، جوندەلگەن.

– ءتيىستى جۇمىستار بيىل دا جالعاسادى. ءاربىر اۋىلعا ارنالعان ءار جوبا ناقتى با­قىلاۋدا بولادى. جوبا اياسىندا ينفراقۇرىلىمدى جون­دەۋگە، تارتۋعا، الەۋمەتتىك نى­ساندار سالۋعا 2025 جىل­عا دەيىن 800 ملرد تەڭگە باعىت­تالادى. وسى جوبالار ارقىلى ءاربىر اۋىلدى ساپالى اۋىز سۋمەن قامتۋ ماسەلەسى شەشىلەدى. سونداي-اق كەڭ جولاقتى ينتەرنەت جەلىسىمەن تولىقتاي قامتىلادى. جەرگىلىكتى جول­داردىڭ 95 پايىزى سالىنىپ، جوندەلەدى، – دەدى ول.

جىل باسىندا مەملەكەتتىك جوسپارلاۋدىڭ جاڭا جۇيەسى بەكىتىلگەنى بەلگىلى. وسىعان باي­­لانىستى مەملەكەتتىك باع­دارلامالاردان ۇلتتىق جو­بالارعا كوشۋ بويىنشا كەشەندى جۇمىس جۇرگىزىلۋدە. ۇلتتىق جوبالار ناقتى مىن­دەتتەردى، ناقتى نىسانالى ينديكاتورلاردى، ناقتى شا­رالاردى قامتيتىنى انىق. ولاردىڭ بارلىعى بيۋدجەتتەن دە، جەكە رەسۋرستاردان دا قاجەتتى قارجىلاندىرۋمەن قام­تاماسىز ەتىلەدى. ءمينيس­تر­دىڭ سوزىنشە، شارالاردى تال­داۋ وسى جىلى اياقتالادى.

– مەملەكەتتىك قولداۋ شارالارىنا قاتىستى قازىر تالداۋ جۇمىستارىن جۇرگىزىپ جاتىرمىز. ول 1 قىركۇيەككە دەيىن اياقتالادى. وسى جۇمىس شەڭبەرىندە ءبىز مەملەكەتتىڭ قولداۋ شارالارىنان كەزەڭ-كەزەڭىمەن شىعۋ ستراتەگياسىن انىقتايمىز. بىراق بۇل ەپيدەميالىق جاع­داي­عا، حا­لىقتى ۆاكتسينالاۋ قارقىنىنا تىكەلەي بايلانىستى بولادى. جۇمىس ۇكى­مەت­تەگى، ۇلتتىق بانك­تەگى، قار­­­جىلىق رەتتەۋ جانە قا­دا­­عالاۋ اگەنتتىگىندەگى ارىپ­­تەس­­تەرىمىزبەن بىرلەسىپ جۇر­گى­زىلۋدە. كۇزگە قاراي بىزدە ناق­­­تى كوزقاراس پەن جوسپار بو­­لادى دەپ ويلايمىن، – دەدى ءا.ەرعاليەۆ.

سونىمەن قاتار ۇلت­تىق قوردان الىناتىن كەپىلدەن­دىرىلگەن ترانسفەرتتەر كەزەڭ-كەزەڭىمەن تومەندەيتىن بولادى. 2021 جىلدىڭ وزىندە كەپىلدىك بەرىلگەن ترانسفەرتتى 2،7 ترلن تەڭگەگە دەيىن، 2022 جىلى 2،4 ترلن تەڭگەگە دەيىن، 2023 جىلى 2،2 ترلن تەڭگەگە دەيىن قىسقارتۋ كوزدەلگەن. ءمي­نيستردىڭ ايتۋىنشا، پرە­زيدەنتتىڭ تاپسىرماسى بويىن­شا كەپىلدەندىرىلگەن ترانسفەرتتەر ماقساتتى سيپاتقا يە. ياعني ولار تەك الەۋمەتتىك جا­نە ينفراقۇرىلىمدىق دامۋ ماسەلەلەرىنە عانا با­عىت­­­­تالاتىن بولادى. بۇ­دان بولەك، مەملەكەت باس­شى­سى­نىڭ تاپ­سىرماسى بويىنشا 2023 جىلدان باستاپ كون­تر­تسيكل­دىك بيۋدجەتتىك ەرەجە ىسكە اسىرىلماق. ول مۇناي باعاسى جوعارى بولعان كەزدە ۇلتتىق قورداعى قاراجاتتى ۇنەمدەۋگە، ال تومەن بولعان كەزدە تەڭگەرىمدىلىك ءۇشىن بيۋدجەتكە يەك ارتۋعا مۇمكىندىك بەرەدى.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار