ايماقتار • 24 ماۋسىم، 2021

ەلوردادا ۆاكتسينا العىسى كەلەتىندەر قاتارى بىرنەشە ەسە ءوستى

26 رەت كورسەتىلدى

ەلوردادا كوروناۆيرۋسقا قارسى ۆاكتسينا العىسى كەلەتىندەردىڭ قاتارى كۇن ساناپ ارتىپ كەلەدى. ماسەلەن، وتكەن اپتامەن سالىستىرعاندا بۇل كورسەتكىش ەكى ەسەدەن استام (تاۋلىگىنە) ارتتى، دەپ حابارلايدى Egemen.kz نۇر-سۇلتان قالاسى قوعامدىق دەنساۋلىق ساقتاۋ باسقارماسىنا سىلتەمە جاساپ.

مامانداردىڭ ايتۋىنشا «دەلتا» شتاممى پايدا بولعاننان كەيىن جۇرتتىڭ كوپشىلىگى دەنساۋلىعىنا اسقان جاۋاپكەرشىلىكپەن قاراي باستاعان.

«ۆاكتسينانىڭ العاشقى دوزاسىن 24 ماۋسىمداعى جاعداي بويىنشا 190،5 مىڭنان استام ازامات الدى. تۇرعىندار ءوز دەنساۋلىعىنا جانە وزگەلەردىڭ دەنساۋلىعىنا جاۋاپتى ەكەنىن ءتۇسىنىپ كەلەدى. ءبىز مۇنى «دەلتا» شتاممىنىڭ ء(ۇندى شتاممى دەگەن اتاۋمەن بەلگىلى) قاۋىپتىلىگىن تۇسىنە باستاعاندىعىمەن بايلانىستىرامىز»، دەدى قوعامدىق دەنساۋلىق ساقتاۋ باسقارماسى.

قالا تۇرعىندارىن ىنتالاندىرۋ ءۇشىن سوو-لار مەن ساۋدا ۇيلەرىندە كومپيۋتەرلىك جانە تۇرمىستىق تەحنيكا، جەڭىلدىك كۋپوندارى مەن سەرتيفيكاتتار تۇرىندەگى باعالى سىيلىقتار ويناتىلادى. مىسالى، Mega Silk Way سوو ۆاكتسينانىڭ ءبىرىنشى دوزاسىن العاندار اراسىندا ءاۆتوموبيلدىڭ ۇتىس ويىنى وتەتىنىن جاريالادى. وسىعان بايلانىستى ۆاكتسيناتسيالاعىسى كەلەتىندەردىڭ ايتارلىقتاي ءوسۋى بايقالادى. وتكەن تاۋلىكتىڭ وزىندە 450-گە جۋىق ادام ۆاكتسينا الدى. وسىعان دەيىن ۆاكتسيناتسيالانعانداردىڭ سانى ەكى جارىم ەسە از بولاتىن.

ء«بىز ۆاكتسيناتسيا پۋنكتتەرىندە ەكپە العىسى كەلەتىندەردىڭ سانى ارتىپ كەلە جاتقانىن كورىپ وتىرمىز. مىسالى، «ەۋرازيا» ساۋدا ۇيىندە بۇرىن كۇنىنە 50-60 ادام ەگىلسە، كەشە شامامەن 100 ادام قابىلدادىق. سونداي-اق ەمحانالارىمىزدا دا ۆاكتسيناتسيانىڭ ءوسۋى بايقالادى: كەشە كەشكە 50-دەن استام ادام ەگىلدى، ال وتكەن تاۋلىكتە ۆاكتسيناتسيالانعانداردىڭ سانى 100-گە دەيىن ءوستى. قالا تۇرعىندارى جاڭا شتاممدى جۇقتىرماس ءۇشىن قاۋىپتەنە باستاعانىن ايتادى، ءوز دەنساۋلىعىنا جاۋاپكەرشىلىكپەن قاراي باستاعانى ءبىزدى قاتتى قۋانتادى»، دەيدى قالالىق №6 ەمحانانىڭ ديرەكتورى دينارا بايسەركينا.

ەسكە سالا كەتەيىك، ەلوردا اكىمى التاي كولگىنوۆ ۆاكتسيناتسيالاناتىندار اراسىندا (جەكە قاراجات ەسەبىنەن) ەكى بولمەلى پاتەردىڭ ۇتىس ويىنى وتكىزىلەتىنىن جاريالاعان بولاتىن. ۇتىس ويىنىنا وسى جىلدىڭ 25 ماۋسىمى مەن 31 تامىزى ارالىعىندا ۆاكتسينانىڭ ءبىرىنشى كومپونەنتىن الاتىن 18 جاستان اسقان ازاماتتار قاتىسا الادى. بۇل اكتسياعا مەديتسينالىق مەكەمەلەر، سونداي-اق ءسوو/سۇ سياقتى قالانىڭ ۆاكتسيناتسيا پۋنكتتەرىندە ەكپە العاندار قاتىسا الادى. كونكۋرستى ءادىل وتكىزۋ جانە ۆاكتسيناتسيالانعانداردى تولىق قامتۋ ءۇشىن (كورسەتىلگەن كەزەڭدە) قالانىڭ IT-قوعامداستىعى جۇمىلدىرىلاتىن بولادى.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ۇقساس جاڭالىقتار