ەلوردا • 24 ماۋسىم، 2021

ەلوردادا قازاقستاندا شىعارىلعان كولىكتەردىڭ كورمەسى وتۋدە

22 رەت كورسەتىلدى

ەلوردادا Automechanica Astana جانە Futuroad Expo Astana حالىقارالىق كورمەسى اشىلدى. كورمە 26 ماۋسىمعا دەيىن جالعاسادى، دەپ حابارلايدى Egemen.kz.

ەلوردا تۇرعىندارى مەن قوناقتارى قازاقستاندا شىعارىلعان جەڭىل اۆتوكولىكتەر كورمەسىن، جەتەكشى اۆتوسالونداردىڭ تەست-درايۆىن جانە ەرەكشە تيۋنينگتەن وتكەن جانە رەترو كولىكتەر شوۋىن تاماشالاي الادى. ال اۆتوكولىك سالاسىنىڭ ماماندارى ءۇشىن قازاقستانداعى نەگىزگى ماسەلەلەر – قالالىق اۆتوبۋس تاسىمالىن دامىتۋ، جولاۋشىلار تاسىمالى قاۋىپسىزدىگى، اۆتوبۋس بيلەتتەرىن بەرۋدى اۆتوماتتاندىرۋدىڭ بىرىڭعاي جۇيەسىن ەنگىزۋ جانە تۇتاس سالانى تسيفرلاندىرۋ تاقىرىپتارىن تالقىلاۋ قاراستىرىلعان.

«الەمدىك پاندەميا ەكونوميكانىڭ كوپتەگەن سالالارىنا تەرىس ىقپالىن تيگىزدى. اسىرەسە تۋريزم سالاسىندا تومەن كورسەتكىشتەر بايقالادى. UNWTO مالىمەتىنە سايكەس، 2020 جىلى الەم بويىنشا تۋريستەر سانى 74 پايىزعا ازايعان. حالىقارالىق جانە ىشكى جولاۋشىلار اعىنىندا دا ازايۋ بار. 2020 جىلى حالىقارالىق رەيس جولاۋشىلارى 76 پايىزعا، ىشكى رەيس جولاۋشىلارى – 19،5 پايىزعا كەمىگەن. تەمىرجول كولىگىندە دە پاندەميا كەزەڭىندە جولاۋشىلار 39،4 پايىزعا ازايدى»، دەپ اتاپ ءوتتى «AstanaInvest» قالالىق ينۆەستيتسيالاردى دامىتۋ ورتالىعى باسقارماسىنىڭ توراعاسى ەرجان بالتاەۆ.

ونىڭ ايتۋىنشا، ەلدىڭ تۋريستىك الەۋەتىن ارتتىرۋدى مەملەكەتتىك قولداۋ جانە ىنتالاندىرۋ شارالارى – مەملەكەتتىڭ باسىم باعىتتارىنىڭ ءبىرى. ءساۋىر ايىندا ەل پرەزيدەنتى تۋريستىك سالا ماسەلەلەرى بويىنشا تۇزەتۋلەرگە قول قويعان. تۋريستىك اۆتوتاسىمالداۋ ارقىلى قازاقستاننىڭ تۋريزم سالاسىن دامىتۋ بولەك تاقىرىپ رەتىندە تالقىلانباق.

«قولجەتىمدى كولىك – ءتۋريزمدى دامىتۋدىڭ نەگىزى فاكتورى بولىپ سانالادى. نۇر-سۇلتان قالاسىنىڭ تۋريستىك الەۋەتى جوعارى. كولىك سالاسىندا قىزمەت كورسەتۋ دەڭگەيى ارتقان جاعدايدا تۋريستەردىڭ دە كەلۋى ارتادى. تۋريستەر تاراپىنان قالا بويىنشا جانە قالاارالىق تاسىمالعا اۆتوبۋسپەن تۋرعا شىعۋعا سۇرانىس بار. تۋريستەرگە جايلى جاعداي جاساۋ ءۇشىن جانە قىزمەت كورسەتۋ دەڭگەيىن ارتتىرۋ ءۇشىن «VisitNur-Sultan» ارىپتەستىك باعدارلاماسىن ازىرلەدىك.

«VisitNur-Sultan Transport» باعدارلاماسى كولىك جانە لوگيستيكادا قىزمەت كورسەتەتىن كومپانيالارعا ارنالعان. سەبەبى تۋريستەرگە ەڭ الدىمەن كولىك قىزمەتى قاجەت. ءبىزدىڭ نەگىزگى مىندەتىمىز – حالىقارالىق دەڭگەيدە ترۋيستىك سەرۆيستى دامىتۋ، كولىك قاتىناسى كەزىندە جايلى جاعداي مەن قاۋىپسىزدىكتى قامتاماسىز ەتۋ. سول سەبەپتى Automechanica Astana جانە Futuroad Expo Astana حالىقارالىق كورمەسى سياقتى سالالىق شارالارعا قىزىعۋشىلىقپەن قارايمىز»، دەدى ەرجان بالتاەۆ.

كورمە پاندەميادا ءوتىپ جاتقاندىقتان، ۇيىمداستىرۋشىلار قاۋىپسىزدىك ماسەلەسىنە ەرەكشە كوڭىل ءبولىپ وتىر. ءاربىر كەلۋشى Ashyq قوسىمشاسىندا تەكسەرىلەدى جانە تەگىن ەكسپرەسس تەستتەن وتە الادى. نەگىزگى شارالار اشىق اسپان استىندا وتەدى. مۇنىڭ بارلىعى كورمەگە كەلۋشىلەردىڭ قاۋىپسىزدىگى ءۇشىن جاسالىپ وتىر.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار