وبلىستىڭ پوليتسيا قىزمەتكەرلەرى الەۋمەتتىك جەلىلەرگە مونيتورينگ جۇرگىزۋ بارىسىندا Instagram-داعى پاراقشالاردىڭ بىرىنەن ۆيدەو بايقاعان. وندا ءبىر توپ جاس جىگىت «ۆاز-2114» ماركالى كولىكتىڭ ارتىنا دوستارىن بايلاپ, ونى ۆيدەوعا تۇسىرگەنى جازىلعان.
پوليتسەيلەردىڭ انىقتاۋىنشا, وقيعا تۇركىستان قالاسىنداعى كوشەلەردىڭ بىرىندە بولعان.
«جول قوزعالىسى ەرەجەسىن ورەسكەل بۇزعان جاس جىگىتكە قاتىستى قر اقبتك-ءنىڭ 593-بابى 1-بولىگى («جولاۋشىلار مەن جۇكتەردى تاسىمالداۋ, جول ءجۇرىسى قاعيدالارىندا كوزدەلگەن قاۋىپسىزدىك بەلدىكتەرىن نەمەسە موتوشلەمدەردى پايدالانۋ جونىندەگى تالاپتاردى ساقتاماۋ») جانە 606-باپتىڭ 1-بولىگى («جول جۇرiسiنە قاتىسۋشىنىڭ جول ءجۇرiسi قاعيدالارىن اۆاريالىق جاعداي تۋعىزۋعا اكەپ سوققان بۇزۋشىلىعى») بويىنشا حاتتاما تولتىرىلدى.
جاس جىگىتتەر جاساعان ارەكەتتەرى ءۇشىن وكىنىپ, الداعى ۋاقىتتا مۇنداي باسسىزدىقتارعا جول بەرمەيتىنىن جەتكىزگەن. جۇرگىزۋشى تۇركىستان تۇرعىنى بولسا, جانىندا بولعان دوستارى تاراز قالاسىنان كەلگەن.
