ۇلتتىق سپورت ءتۇرىنىڭ كومپونەنتتەرى ءبىلىم سالاسىنىڭ بارلىق دەڭگەيىندە دەنە شىنىقتىرۋ پانىندە ەنگىزىلىپ جاتىر.
بۇل تۋرالى ورتالىق كوممۋنيكاتسيالار قىزمەتىندە وكەن بريفينگتە قر مسم سپورت جانە دەنە شىنىقتىرۋ ىستەرى كوميتەتى ۇلتتىق سپورت تۇرلەرى جانە سپورتتاعى مۇمكىندىگى شەكتەۋلى تۇلعالارمەن جۇمىس باسقارماسىنىڭ باسشىسى مەيرامبەك ماحامبەتوۆ مالىمدەدى.
«ۇلتتىق سپورت تۇرلەرىنىڭ ءتىزىمى بەكىتىلدى. الداعى ۋاقىتتا «قازاق كۇرەسى», «اسىق اتۋ» جانە «توعىزقۇمالاق» سپورت تۇرلەرىن مەكتەپ باعدارلاماسىنا ەنگىزۋ جوسپارلانۋدا. سونىمەن قاتار, مەملەكەت باسشىسىنىڭ تاپسىرماسىنا سايكەس, 4-17 جاستاعى بالالارعا سپورت سەكتسيالارىنا تەگىن قاتىسۋعا مۇمكىندىك بەرىلىپ وتىر. ەرەجەلەرگە سايكەس, تىزىمگە 70-تەن استام سپورت ءتۇرى ەندى», دەدى سپيكەر.
