«سالىقتىق مىندەتتەمەلەردى ورىنداۋدى سمارتفون ارقىلى جۇرگىزۋگە بولادى. وسى وزگەرىس 2022 جىلدان باستاپ ەنگىزىلەدى. قازىرگى كەزدە سالىق ورگاندارى وسى قوسىمشانى ازىرلەپ جاتىر», دەدى ۆيتسە-مينيستر.
سونىمەن قاتار كاسىپكەر بەرەشەگىنىڭ مولشەرى 6 اەك-تەن تومەن بولسا, وندا ونىڭ شوتتارى بۇعاتتالمايدى. زاڭعا ەنگىزىلگەن تاعى ءبىر نورما, سالىق تولەۋشى بانكتەرگە بەرەشەگىن تولەگەننەن كەيىن وعان شوتىن بىردەن پايدالانۋعا رۇقسات بەرىلەدى.
«قازاقستاندا تاۋارلاردى ءوندىرۋدى ىنتالاندىرۋ ماقساتىندا, جاڭا تىركەلگەن كاسىپورىندار ءوز ءونىمىن ساتقاندا, قوسىلعان قۇن سالىعى 70% ازايتىلادى. وسىلايشا, سالىق ەسەپتەلگەن سومانىڭ 30% مولشەرىندە عانا تولەنەتىن بولادى. وسى جەڭىلدىكتىڭ مەرزىمى – ەكى جىل», دەدى ا.امرين.
مۇنىمەن قوسا, وڭدەۋ ونەركاسىبى سالالارىندا جۇمىس ىستەۋدى ىنتالاندىرۋ ماقساتىندا جانە وسى سالالارعا ينۆەستيتسيالاردى كوبەيتۋ ءۇشىن جاڭا نورما كوزدەلگەن. ەگەر شاعىن بيزنەس سۋبەكتىلەرى ءوز پايداسىن جاڭا نەگىزگى قورلارعا سالاتىن بولسا, وندا وسى پايداسى كورپوراتيۆتىك تابىس سالىعىنان بوساتىلادى.
بۇدان بولەك, الەۋمەتتىك كاسىپكەرلىك تۋرالى زاڭدا دا سالىقتىق قولداۋ شارالارى قاراستىرىلعان. مىسالى, الەۋمەتتىك كاسىپكەرلىك سۋبەكتىلەرى م ۇلىك سالىعىنىڭ تومەندەتىلگەن مولشەرلەمەسىن پايدالاناتىن بولادى. سونداي-اق ەگەر الەۋمەتتىك كاسىپكەرلىك سۋبەكتىلەرى ءوز جۇمىسكەرلەرىن وقىتاتىن بولسا, كورپوراتيۆتىك تابىس سالىعىن ەسەپتەگەندە جۇمسالعان شىعىندارى ەكى ەسەلەنىپ سانالادى
