وقيعا 22 ماۋسىم كۇنى تاڭدا بولعان.
«65 جاستاعى ەر ادام ارتەريالدى گيپەرتەنزيا دياگنوزىمەن 20 ماۋسىم كۇنى قالالىق كوپبەيىندى اۋرۋحاناعا تۇسكەن. 21 ماۋسىم كۇنى اۋرۋحانادان شىعۋعا سۇرانعان, بىراق زايىبى قالعانىن ءجون دەپ ساناعان. دارىگەرلەر ەر ادامنىڭ اۋرۋحاناعا تۇسكەن كەزدە كوڭىل كۇيىنىڭ تۇسىڭكى, قاپالى ەكەنىن اڭعارعان. سول سەبەپتى پسيحولوگتىڭ كەڭەسىنە جۇگىنۋ كەرەك دەپ تاپقان. انىقتالعانداي, ول جارتى جىل بۇرىن بالاسىنان ايىرىلىپ, سودان ايىعا الماعان. 22 ماۋسىم كۇنى تاڭەرتەڭ 06.30-دا دارىگەرلەر قان قىسىمىن ولشەپ, قاراعاننان كەيىن پالاتادا قالعان. ءۇشىنشى قاباتتان سەكىرىپ كەتكەن ونى ساعات 06.57-دە سانيتار تاپقان. دەرەۋ مامان دارىگەرلەر بريگاداسى (حيرۋرگ, تراۆماتولوگ جانە باسقالار) شاقىرىلىپ, ەمدەلۋشى جانساقتاۋ بولىمىنە جەتكىزىلگەن. دارىگەرلەر ەكى ساعات بويى ونىڭ ءومىرى ءۇشىن كۇرەسكەنىمەن, اجالعا قارسى تۇرا المادى. ايەلىنە حابار بەرىلىپ, پوليتسيا شاقىرتىلدى», دەپ حابارلادى وبلىستىق دەنساۋلىق ساقتاۋ باسقارماسىنان.
بقو پوليتسيا دەپارتامەنتىنىڭ ءباسپاسوز قىزمەتى وقيعانىڭ ءمان-جايى انىقتالىپ جاتقانىن, قر قك 105-بابىنا ء(وزiن-ءوزi ولتiرۋگە دەيiن جەتكiزۋ) سايكەس قىلمىستىق ءىس قوزعالىپ, تەرگەۋ امالدارى جۇرگىزىلىپ جاتقانىن مالىمدەدى.
