نەگىزى بۇل جارىس ادەتتە شىلدە ايىندا وتكىزىلەتىن. الايدا بيىل شىلدە ايىنىڭ سوڭىندا توكيو وليمپياداسىنىڭ جالاۋى جەلبىرەيتىن بولعاندىقتان, ۇيىمداستىرۋشىلار وسى جىلعى دودانى ماۋسىمنىڭ سوڭىنا شەگەرۋگە ءماجبۇر بولدى. سەبەبى «تۋر دە فرانسقا» قاتىساتىن بىرقاتار ۆەلوشاباندوز وليمپيا ويىندارىندا ءوز ەلدەرىنىڭ نامىسىن قورعايدى.
ۆەلوسپورتشىلاردىڭ بەيرەسمي الەم چەمپيوناتى سانالاتىن «تۋر دە فرانستىڭ» بىلتىرعى باسەكەسىندە سلوۆاكيالىق تادەي پوگاچارعا تەڭ كەلەر ەشكىم تابىلمادى. ال «استانا» وكىلى ميگەل انحەل لوپەس جارىستى التىنشى ورىنمەن تۇيىندەگەن ەدى. سونداي-اق لوپەس 17-ءشى تاۋلى كەزەڭدە جارىس جەڭىمپازى اتانعان بولاتىن.
بيىلعى دوداعا Astana-Premier Tech كلۋبىنان دميتري گرۋزدەۆ, الەكسەي لۋتسەنكو (قازاقستان), الەكس ارانبۋرۋ, يون يساگيررە, ومار فرەيلە (يسپانيا), ستەفان دە بود ء(باا), ياكوب فۋلسانگ (دانيا) جانە ۋگو ۋحل (كانادا) سەكىلدى ۆەلوشاباندوزدار قاتىسادى.
