«ەلەكتر ەنەرگياسى نارىعىنداعى باسەكەلەستىك ماڭىزدى سانالادى. بۇگىنگى تاڭدا ۇيىمداستىرىلعان ساۋدا-ساتتىقتا ەلەكتر ەنەرگياسىنىڭ تەك 1 پايىزى ساتىلادى. قالعانىنىڭ ءبارى اشىق ەمەس تىكەلەي كەلىسىمشارتتار بويىنشا وتكىزىلىپ جاتىر. وسىعان بايلانىستى 2025 جىلعا دەيىن ۇيىمداستىرىلعان ەلەكتر ەنەرگياسى ساۋداسى كەم دەگەندە 30 پايىزعا دەيىن ارتادى. سونىمەن قاتار ءبىز ەلەكتر ەنەرگياسىمەن جابدىقتاۋ نارىعىنداعى سارالاۋدى جويۋدى جوسپارلاپ وتىرمىز. مۇنىڭ ءبارى جىل سايىن 20 ميلليارد بيۋدجەت قاراجاتىن ۇنەمدەۋگە مۇمكىندىك بەرەدى, 31 ميلليارد شاعىن جانە ورتا بيزنەس ءۇشىن شىعىن بولىگى ۇنەمدەلىپ, ءبىزدىڭ ەسەبىمىز بويىنشا تۇرعىن ۇيگە كومەك رەتىندە 720 ميلليونعا ارتادى», دەدى س. جۇمانعارين ۇكىمەتتىڭ بۇگىنگى وتىرىسىندا.
سپيكەر باسەكەلەستىكتى دامىتۋدىڭ تاعى ءبىر باعىتى – بيرجالىق ساۋدانى دامىتۋ ەكەنىن اتاپ ءوتتى.
«بيرجالىق ساۋدا دۇرىس جولعا قويىلدى. بۇگىنگى تاڭدا بەنزين, بيتۋم, كومىر, سۇيىتىلعان گاز ساۋدا-ساتتىعى ىسكە قوسىلدى. جاقىندا اۆياكەروسين, ديزەل وتىنى, بيداي قوسىلادى. العاش رەت كومىرمەن بيرجالىق ساۋدا-ساتتىق وتكىزىلدى, وندا كارەرلەردىڭ وزدەرى جەتكىزۋ ءبازيسى بولادى. قاراجىرا مەن شۇباركولدىڭ العاشقى ساۋدا-ساتتىعى تۇتىنۋشى ءۇشىن ۇنەمدىلىگى 20 پايىزعا دەيىن جەتەتىنىن كورسەتتى», دەيدى اگەنتتىك توراعاسى.
