قوعام • 21 ماۋسىم، 2021

جەلىدە ۆاكتسينا پاسپورتىنا قاتىستى جالعان اقپارات تارالۋدا

23 رەت كورسەتىلدى

مەسسەندجەرلەردە جاقىن ارادا ۆاكتسينا پاسپورتى جوق ادامدار ءوز كولىكتەرىن وتالدىرىپ، دەربەس كومپيۋتەرلەر مەن باسقا دا جابدىقتاردى قولدانا الماي قالادى دەگەن حابار تارادى، دەپ حابارلايدى Egemen.kz.

بولجام بويىنشا، ۆاكتسيناتسيا پاسپورتتارىندا «اقىلدى» قۇرىلعىلاردى ىسكە قوساتىن QR كود بار. بۇل كودتارسىز گادجەتتەردى پايدالانۋ نەمەسە كولىكتى وتالدىرۋ مۇمكىن بولمايدى ەكەن.

QR كود، قاراپايىم تىلمەن ايتقاندا، شتريحكودتىڭ جەتىلدىرىلگەن نۇسقاسى. ادەتتە، QR كودتار كەز كەلگەن اقپاراتتى وقۋ ءۇشىن قولدانىلادى. وسىنداي جەتىلدىرىلگەن شتريح-كودتاردىڭ كومەگىمەن تاۋار نەمەسە قىزمەت تۋرالى دەرەكتەردى الۋعا، قۇجاتتىڭ، ءىس-شاراعا نەمەسە قوعامدىق كولىككە بيلەتتىڭ تۇپنۇسقالىعىن تەكسەرۋگە بولادى. ۆاكتسيناتسيا پاسپورتىندا QR كود بار.

قازاقستاندىق ۆاكتسينالاۋ پاسپورتتارىندا ولار قۇجاتتىڭ تۇپنۇسقالىعىن تەكسەرۋ ءۇشىن قىزمەت ەتەدى. ەۋرووداق ەلدەرىندەگى ۆاكتسيناتسيا پاسپورتتارىندا ادامنىڭ قاشان، قايدا جانە قانداي ۆاكتسينامەن ەگىلگەنى تۋرالى ماڭىزدى اقپارات بەرىلگەن. بۇل تۋرالى ەۋروپالىق كوميسسيانىڭ رەسمي سايتىندا ايتىلعان.

مۇنداي QR كودتار وقۋ قۇرىلعىلارىنا زيان كەلتىرە المايدى. كودتى وقۋ ءۇشىن ارنايى قوسىمشاسى بار سمارتفون نەمەسە ينتەرنەتكە قوسىلعان كومپيۋتەر قاجەت. كومپيۋتەردەگى كودتى وقۋ ءۇشىن ارنايى سايتقا كود كەسكىنىن جۇكتەۋ كەرەك. كودتا جازىلعان اقپاراتتى قولمەن دە تەكسەرۋگە بولادى، بىراق بۇعان ۋاقىت كەتەدى. كولىكتى باسقارۋدىڭ ەلەكتروندى بلوگى، كومپيۋتەر نەمەسە اينالامىزداعى باسقا قۇرىلعىلار QR كودتى وزدىگىنەن تاني المايدى.

دەمەك، ۆاكتسيناتسيالانباعان ادامدار ۆاكتسيناتسيا پاسپورتىنىڭ QR-نان تۋىنداعان تەرىس اسەرگە بايلانىستى اۆتوموبيلدەر مەن تەحنيكانى پايدالانا المايدى دەگەن حابارلامالار جالعان بولىپ تابىلادى. بۇعان ەشقانداي عىلىمي نەگىزدەمە جوق، ال قۇجاتتارداعى QR-كودتاردىڭ مازمۇنى قۇپيا ەمەس.

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار