ەسكە سالايىق, وبلىستىق توتەنشە جاعدايلار دەپارتامەنتى گەنەرال دۇيسەنوۆ كوشەسى, 123 مەكەنجايى بويىنشا ءورت تۋرالى حابار 20 ماۋسىم كۇنى ساعات 00:38-دە تۇسكەنىن مالىمدەدى. دەپارتامەنت اپاتتىڭ الدىن الا سەبەبى – ادەيى ورتەۋ دەپ بولجام جاسادى.
اتالعان وقيعاعا قاتىستى پاۆلودار وبلىسى پوليتسيا دەپارتامەنتى باسشىسىنىڭ ءبىرىنشى ورىنباسارى جاسقايرات قايىروۆ پىكىر ءبىلدىردى.
- بەلگىسىز بىرەۋ تىگىن سالونىنىڭ عيماراتىنا قاساقانا ءورت قويعان. عيماراتتا شاتىردىڭ اعاش قۇرىلىمى جانە ءىشىنارا اعاش قابىرعا جانعان. كەلتىرىلگەن شىعىن انىقتالىپ جاتىر. قاجەتتى ساراپتامالار تاعايىندالدى. اتالعان فاكت بويىنشا قر قىلمىستىق كودەكسىنىڭ 202-بابى 2-تارماعى 1-بولىگىنە سايكەس سوتقا دەيىنگى تەرگەۋ باستالدى, - دەدى جاسقايرات قايىروۆ.
