وقيعا • 18 ماۋسىم، 2021

قاماۋعا الىنعان دەپۋتات Nur Otan-نىڭ قاتارىنان شىعارىلدى

123 رەت كورسەتىلدى

اتىراۋ وبلىستىق ءماسليحاتىنىڭ دەپۋتاتى ابزال-سەنبين ساماليكوۆ Nur Otan پارتياسى قاتارىنان شىعارىلدى، دەپ حابارلايدى Egemen.kz.

بۇل اقپاراتتى پارتيانىڭ ايماقتىق فيليالى راستادى.

ۇقك قىزمەتكەرلەرى قر قك 262 – بابى – «ۇيىمداسقان توپ، قىلمىستىق ۇيىم قۇرۋ جانە وعان باسشىلىق ەتۋ، سول سياقتى ولارعا قاتىسۋ» بويىنشا 22 ادامعا قاتىستى قىلمىستىق ءىس قوزعادى. ساماليكوۆتىڭ وزىنە قر قك–نىڭ تاعى ءبىر بابى «سەنىپ تاپسىرىلعان بوتەننىڭ مۇلكىن يەلەنۋ نەمەسە ىسىراپ ەتۋى» بويىنشا ايىپ تاعىلعان.

وبلىستىق فيليالدىڭ پارتيالىق باقىلاۋ كوميسسياسى بۇل ماسەلە بويىنشا وتىرىس وتكىزدى. ساياسي كەڭەس بيۋروسىنىڭ قورىتىندىسى بويىنشا ساماليكوۆتى Nur Otan قاتارىنان شىعارۋ ۇسىنىلدى. 18 ماۋسىمدا پارتيانىڭ ماقات اۋداندىق فيليالى ساياسي كەڭەسى بيۋروسىنىڭ وتىرىسىندا ساماليكوۆتى پارتيا قاتارىنان شىعارۋ تۋرالى شەشىم قابىلداندى.

«اق جايىق» پورتالىنىڭ مالىمەتىنشە، ابزال-سەنبين ساماليكوۆقا جانە تاعى 22 ادامعا قاتىستى اتىراۋ وبلىسى ۇقك دەپارتامەنتى قىلمىستىق ءىس قوزعاعان. قازىرگى ۋاقىتتا ەكس-دەپۋتات ءۇي قاماقتا.

«تەرگەۋگە الىنعان بارلىق ادامدارعا، سونىڭ ىشىندە ساماليكوۆقا ماقات ستانتسياسىنداعى جۇك پويىزدارىنىڭ تسيستەرنالارىنان جانار-جاعارماي ۇرلاعانى ءۇشىن ايىپ تاعىلۋدا. تەرگەۋ مالىمەتتەرى بويىنشا، وتكەن جىلدىڭ 31 ماۋسىمى مەن 31 قازانى ارالىعىندا كۇدىكتىلەر 20 ميلليون تەڭگەدەن استام سوماعا 120 توننا ۇرلانعان جانار-جاعارماي ساتقان»، دەپ جازادى «اق جايىق» پورتالى.

بوتاگوز امالبەك

سوڭعى جاڭالىقتار

ۇقساس جاڭالىقتار