قازاقستان • 18 ماۋسىم، 2021

قازاقستان مەن اۋعانستان اسكەري ىنتىماقتاستىق تۋرالى كەلىسىمگە قول قويدى

13 رەت كورسەتىلدى

قازاقستاننىڭ قورعانىس ءمينيسترى گەنەرال-لەيتەنانت نۇرلان ەرمەكباەۆ پەن اۋعانستان پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى حامدۋللا موحيبپەن كەزدەستى، دەپ حابارلايدى Egemen.kz.

قر قورعانىس مينيسترلىگىنىڭ مالىمەتىنشە، كەزدەسۋدە اۋعانستان توڭىرەگىندەگى احۋال جونىندەگى ماسەلەلەر تالقىلاندى. گەنەرال-لەيتەنانت نۇرلان ەرمەكباەۆ ەلىمىز اۋعانستانداعى رەسپۋبليكالىق دەموكراتيالىق جۇيەنىڭ ساقتالۋىن قولدايتىنىن اتاپ ءوتتى. مينيستر شەتەل اسكەرلەرىنىڭ شىعارىلۋى ەلدەگى جاعدايدى تۇراقتاندىرۋعا نەگىز بولادى، سونداي-اق قاقتىعىسۋشى تاراپتاردىڭ كەلىسپەۋشىلىكتەرىن جويۋ ءۇشىن ىمىرالى شەشىمدەر تابىلادى دەگەن ءۇمىتىن ءبىلدىردى.

كەزدەسۋ سوڭىندا قازاقستان رەسپۋبليكاسىنىڭ ۇكىمەتى مەن اۋعانستان يسلام رەسپۋبليكاسىنىڭ ۇكىمەتى اراسىنداعى اسكەري ىنتىماقتاستىق تۋرالى ەكىجاقتى كەلىسىمگە قول قويىلدى. اتالمىش قۇجات 2017 جىلعى شىلدە ايىندا اۋعانستان يسلام رەسپۋبليكاسى پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى موحامماد اتماردىڭ قازاقستان رەسپۋبليكاسىنا ساپارى بارىسىندا جاسالعان كەلىسىمى نەگىزىندە ازىرلەندى.

سوڭعى جاڭالىقتار

ۇقساس جاڭالىقتار