بۇل ءۇشىن شاقىرتۋعا باراتىن جەدەل جاردەم قىزمەتكەرلەرىنىڭ بارلىعىنىڭ بەيدجيگىندە QR -كود قوسىمشاسى ورناتىلعان.
QR-كود ارقىلى پاتسيەنت دارىگەر جانە فەلدشەر قانداي وقۋ ورنىن ءبىتىردى, جۇمىس ءوتىلى, ساناتتىلىعى تۋرالى تولىق اقپاراتتى جانە قىزمەت كورسەتۋ ساپاسى تۋرالى ءوز پىكىرىن قالدىرا الادى. ال قىزمەتكەرلەردىڭ بەيدجيگىندە ۇيىمنىڭ لوگوتيپى, قىزمەتكەردىڭ سۋرەتى, ونىڭ تولىق اتى-ءجونى جانە اتقاراتىن لاۋازىمى كورسەتىلگەن.
جالپى ءۇشىنشى مەگاپوليستە 100 جەدەل جاردەم بريگاداسى تۇرعىندارعا العاشقى مەديتسينالىق كومەك كورسەتەدى. 103 ستانتسياسى 100 پايىز تسيفرلى جۇيەگە قوسىلعان. جەدەل جاردەم قوڭىراۋلارىنىڭ بارلىعى بىرىكتىرىلگەن اۆتوماتتى جۇيە ارقىلى قابىلدانادى. مۇنان بولەك, شاقىرتۋعا باراتىن كولىكتەردە GPS-ناۆيگاتورى ورناتىلعان.
ايتا كەتەيىك, بۇگىندە قالاداعى 33 مەملەكەتتىك مەديتسينالىق مەكەمەدە QR- كود جۇيەسى ىسكە قوسىلدى. بۇل باعدارلاما ۋاقىتتى ۇنەمدەۋ, قاشىقتىقتان قۇجات الماسۋ, جۇمىستى اۆتوماتتاندىرۋعا سەپتىگىن تيگىزەدى.
