وقيعا • 16 ماۋسىم، 2021

143 ميلليون تەڭگە جىمقىرعان ديرەكتوردىڭ ءىسى سوتقا جىبەرىلدى

35 رەت كورسەتىلدى

ورالدا «ماراسانت» جشس ديرەكتورى امانجول قونەەۆ قىلمىستىق كودەكستىڭ ەكى بابى بويىنشا ايىپتالۋدا، دەپ حابارلايدى Egemen.kz «موي گورود» پورتالىنا سىلتەمە جاساپ.

وتكەن جىلدىڭ قاراشا ايىندا ورالدا «ماراسانت» جشس قۇرىلىس فيرماسىنىڭ ديرەكتورى امانجول قونەەۆ تۇتقىنعا الىنعان. ول مەملەكەتتىك باعدارلاما بويىنشا تۇرعىن ءۇي قۇرىلىسىنا بولىنگەن 143 ميلليون تەڭگەدەن استام قارجىنى جىمقىرىپ، 1،5 ميلليارد تەڭگەدەن استام سومادا سالىق تولەۋدەن جالتارعان دەگەن كۇدىككە ءىلىندى.

ايتا كەتەيىك، «ماراسانت» جشس كومپانياسى 2019 جىلدىڭ 15 شىلدەسىندە مولداعۇلوۆا كوشەسىنە كۇردەلى جوندەۋ جۇمىستارىنان وتكىزۋدى باستاعان. وتكەن جىلدىڭ قاراشا ايىندا جوندەلگەن جولدىڭ ساپاسى تومەن دەڭگەيدە ەكەنى بەلگىلى بولدى. نىسان ءالى دە تاپسىرىلماعان، اياقتالماعان جۇمىستار دا جەتكىلىكتى. بىراق جول قالا تۇرعىندارىنىڭ ءجۇرۋى ءۇشىن اشىق. وسى جىلدىڭ 6 ناۋرىزىندا بقو اكىمى مەردىگەردەن اتالمىش كوشە جولىنداعى زاڭ بۇزۋشىلىقتاردىڭ جويىلۋىن تالاپ ەتكەن.

جەتى ايدان كەيىن امانجول قونەەۆقا قاتىستى قىلمىستىق ءىس ورال قالالىق سوتىنا بەرىلدى. ەندى ول قر قك 195 «الداۋ نەمەسە سەنiمدى تەرىس پايدالانۋ جولىمەن مۇلiكتiك زالال كەلتiرۋ» جانە قر قك 245 «ۇيىمدارعا سالىناتىن سالىقتى جانە (نەمەسە) بيۋدجەتكە تولەنەتىن باسقا دا مىندەتتى تولەمدەردى تولەۋدەن جالتارۋ» باپتارىندا كوزدەلگەن قىلمىستار بويىنشا ايىپتالۋدا.

 

بوتاگوز امالبەك

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار