الەم • 14 ماۋسىم، 2021

يزرايل ۇكىمەتى اۋىستى

46 رەت كورسەتىلدى

يزرايل ۇكىمەتىن 12 جىل بويى باسقارعان بينيامين نەتانياحۋ قىزمەتىنەن كەتتى. وتكەن سەنبىدە ەل پارلامەنتى وڭ قاناتتىڭ كوشباسشىسى نافتالي بەننەت باستاعان كواليتسيانى ماقۇلدادى.

بەننەت حالىققا ۇلتشىلدار پارتيا­سىنىڭ باسشىسى رەتىندە تانىلعان. بۇل پارتيا ءيزرايلدىڭ 120 ورىننان تۇرا­تىن كنەسسەتىندە 6 ورىنعا يە. بەننەتتىڭ كان­دي­داتۋراسىن پارلامەنت مۇشەلەرى تۇگەل­دەي قولدادى. ول 60-تان 59 داۋىس جيناعان.

ۇكىمەتتى قولىنا العان بەننەت ەندى سول­شىلدار اليانسى، وڭشىلدار، تسەنتريس­تەرمەن قاتار، يزرايلدەگى پالەستينا وكىل­دەرىنەن تۇراتىن پارتيانى دا باسقارادى. ال يزرايل حالقىنىڭ 21 پايىزى – پا­لەس­تينالىقتار. شىندىعىنا كەلسەك، جوعا­رىدا اتالعان پارتيالار بۇعان دەيىنگى پرە­مەر نەتانياحۋدىڭ جۇمىسىنا رازى بول­ماعان-دى. الايدا جاڭا باسشىعا قاتىستى ازىرگە پىكىر ايتىلعان جوق.

ەل زاڭناماسىنا بايلانىستى جاڭا پرە­مەر-مينيستر 2 جىل قىزمەت ەتەدى. ودان كەيىن ونىڭ ورنىنا تسەنتريستەر وكىلى كەلمەك. بۇل رەتتە جاڭا ۇكىمەتتىڭ ارحيتەكتورى – ياير لاپيد كەلەدى دەپ كۇتىلۋدە.

جاڭا قۇرام باسىپ العان ايماقتارداعى پالەستينالىقتارعا قاتىستى ماسەلەلەردەن گورى ەلدەگى رەفورمالارعا باسىمدىق بەرۋدى ءجون كورەدى. پالەستينا حالقى بولسا، بيلىكتىڭ اۋىسقانىنا اسا قۋانا قويمادى. ولار بەيبىت كەلىسىمنەن ءۇمىتىن ۇزگەن جانە بەننەت تە نەتانياحۋدىڭ ساياساتىن جالعاستىرادى دەگەن ويدا.

ۇكىمەتتى 12 جىل باسقارعان نەتانياحۋ جاڭا قۇرامدى تاڭداۋ كەزىندە ءۇنسىز قالدى. ءتىپتى جاڭا قۇرامعا داۋىس بەرىلىپ، شەشىم قابىلدانعاننان كەيىن دە ورنىن ءۇنسىز بوساتتى. جاڭا سايلانعان پرەمەر-مينيسترگە قولىن بەرۋمەن عانا شەكتەلدى.

جالپى، بينيامين نەتانياحۋ (سۋ­رەتتە) بە­دەلدى ساياساتكەر رەتىندە تانىل­­­­عان. 71 جاسقا كەل­سە دە قولداۋى مىق­­تى. دەگەن­مەن، جەم­قور­لىققا قاتىس­تى قات­­­تى سىنعا ۇشى­راعان بولاتىن. ۇكى­مەت باس­­شىسى رەتىندە ول بۇل ايىپتى مويىن­دامادى.

پارلامەنتتەگى ەڭ ءىرى پارتيانىڭ باس­شىسى رەتىندە جاڭا ۇكىمەتكە قارسى سوي­لەۋى دە كۇتىلۋدە. ەگەر پارلامەنتتەگى ءبىر فراكتسيا ورنىنان باس تارتسا، وندا نە­تا­نياحۋدىڭ قايتىپ كەلۋىنە مۇمكىندىك بار.

ونىڭ قارسىلاستارى نەتانياحۋدىڭ سايا­ساتى ەل ءۇشىن ءتيىمسىز جانە قابىلداعان شە­شىم­دەرى تەك بيلىكتە قالۋىن عانا قامتا­ماسىز ەتۋگە باعىتتالعان دەپ ايىپتايدى.

بيلىككە كەلگەن بەننەت ءدىنشىل، ۇلتشىل رەتىندە تانىلعان. ول پارلامەنتتە ەلدىڭ باتىسىن جاۋلاپ الۋ، اننەكسياعا قاتىستى ويىن ايتىپ، ۇلكەن تالقى تۋدىردى. سول كەزدىڭ وزىندە نەتانياحۋدىڭ جاقتاستارى ءسوزىن ءبولىپ، ويىن سوڭىنا دەيىن جەتكىزۋگە مۇمكىندىك بەرمەگەن. ەڭ سوڭىندا زالدى بوساتۋعا ءماجبۇر بولعان.

پرەمەر رەتىندە بەننەت ساياسي رەفور­مالاردى كوزدەيدى. ونىڭ شەشىمدەرى ۇلكەن ماڭىزعا يە بولماق. ويتكەنى ول اقش-تىڭ يرانمەن اتوم ەنەرگياسىنا قاتىستى كەلىسىمىن سىنعا الدى. ال سىنعا الۋ دەگەن يران­عا حيميالىق قارۋ قولدا­نۋعا رۇقسات بەر­مەۋ دەگەندى بىلدىرەدى. جا­قىندا ورىن ال­عان يزرايل مەن پالەستينا قاقتىعى­سىندا اقش يزرايل تاراپىن قولداعان-دى. بەننەت بۇل ءۇشىن دجو باي­دەنگە العىس ءبىلدىرىپ ۇلگەردى.

نەتانياحۋ يرانمەن كەلىسىمگە توسقاۋىل بولماۋعا ۋادە بەرگەن-ءدى. ساراپشىلار بەن­­نەتكە سىرتقى ساياساتقا قاراعاندا، پالەس­تي­­نالىقتار ماسەلەسىن كۇن تارتىبىنە ەنگى­زۋگە كەڭەس بەرەدى.

يزرايل دەموكراتيا ينستيتۋتىنىڭ پرە­زي­دەنتى يوحانان پلەسنەر ۇكىمەتتىڭ جاڭا قۇرامى تۇراقتىلىقتى قامتاماسىز ەتە الا­دى دەپ سەنەدى. «پارلامەنتتەگى پار­تيا­لار جەكە-دارا دا جاقسى جەتىستىككە جەتە­تىنىن دالەلدەۋمەن الەك. سوندىقتان وپپو­زي­تسيانىڭ كۇش بىرىكتىرمەۋى بەننەتتىڭ جاق­تاۋ­شىلارىنا ۇلكەن مۇمكىندىك بەرىپ وتىر.

جاڭا كابينەتتىڭ الدىندا ديپلوماتيا، قاۋىپسىزدىك، قارجى ماسەلەلەرىمەن قاتار، يران، گازامەن قارىم-قاتىناس، حالىق­ارالىق قىلمىستىق سوت الدىنداعى جاۋاپ، كوروناۆيرۋس پاندەمياسىنان كەيىنگى ەكونوميكا ماسەلەلەرى تۇر.

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

ۇقساس جاڭالىقتار