ماۋسىمنىڭ 12-سىندە باتىس قازاقستان وبلىسىنا كەلگەن قازاقستان رەسپۋبليكاسى پرەمەر-ءمينيسترىنىڭ ورىنباسارى رومان سكليار باتىس قازاقستان وبلىسىنىڭ اكىمى عالي ەسقاليەۆپەن بىرگە وڭىردەگى بىرقاتار نىساندى ارالادى.
ەى اۋەلى بيىل مامىر ايىندا جەكە باسقارۋشى كومپانيادان كوممۋنالدىق مەنشىككە بەرىلگەن «باتىس قازاقستان اەك» اكتسيونەرلىك قوعامىنىڭ جۇمىسىمەن تانىستى.
ۆيتسە-پرەمەر ودان كەيىن ورال قالاسىنىڭ سولتۇستىك-شىعىس بولىگىندەگى 9 قاباتتى كوپپاتەرلى تۇرعىن ءۇي قۇرىلىسى اۋماعىن ارالادى. مۇندا ول «بولاشاق ت» كومپانياسىنىڭ ءۇي قۇرىلىسى كومبيناتىن كوردى. وسى جەردە ۇكىمەت باسشىسىنىڭ ورىنباسارى ءبىلىم بەرۋ مەكەمەلەرىنىڭ قۇرىلىسىنا جۇمسالاتىن شىعىنداردى قىسقارتۋعا مۇمكىندىك بەرەتىن شاعىن جيناقتالعان مەكتەپتەردىڭ ۇلگىلىك جوباسىمەن تانىستى.
وسى ساپار اياسىندا ۇكىمەتتىك دەلەگاتسيا سامارا-شىمكەنت رەسپۋبليكالىق ماڭىزى بار اۆتوجولىنىڭ ۋچاسكەسىندەگى «سىرىم» وتكىزۋ پۋنكتىندە بولدى. شەكاراداعى بۇل بەكەتتە ينسپەكتسيالىق-تەكسەرۋ كەشەنىن جاڭعىرتۋ جانە ورناتۋ تۋرالى شەشىم قابىلدانعان بولاتىن. مۇنداي كەشەن اۆتوموبيلدەردەگى جۇكتەردى جىلدام سكانەرلەۋگە مۇمكىندىك بەرەدى.
ساپار قورىتىندىسىندا رومان سكليار جۇرگىزىلىپ جاتقان جۇمىستاردىڭ ءوڭىر تۇرعىندارى ءۇشىن ماڭىزدىلىعىن اتاپ ءوتىپ, وبلىس باسشىلىعىنا ولاردىڭ ورىندالۋىن باقىلاۋدى قامتاماسىز ەتۋدى تاپسىردى.
باتىس قازاقستان
