ايماقتار • 12 ماۋسىم، 2021

شاردارادا براكونەرلەر قورىقشىلارعا قارسىلىق كورسەتتى

78 رەت كورسەتىلدى

تۇركىستان وبلىسىندا قورىقشىلارعا قارسىلىق كورسەتىپ، ولاردىڭ ءبىرىن جاراقاتتاعان 6 براكونەر ۇستالدى. بۇل تۋرالى ايماقتىڭ پوليتسيا دەپارتامەنتىنەن ءمالىم ەتتى، دەپ حابارلايدى Egemen.kz.

«جەتىساي اۋداندىق پوليتسيا ءبولىمىنىڭ كەزەكشى بولىمىنە جەتىساي اۋداندىق اۋرۋحاناسىنان دەنە جاراقاتى بار ەر ادامنىڭ جەتكىزىلگەنى تۋرالى حابارلاما كەلىپ ءتۇستى.

وقيعا ورنىنا جەتىساي پوليتسياسىنىڭ جەدەل-تەرگەۋ توبىنىڭ قىزمەتكەرلەرى شۇعىل شىقتى.

تەكسەرۋ بارىسىندا شاردارا سۋ قويماسىندا بالىق اۋلاۋمەن اينالىسقان براكونەرلەردى ۇستاۋ كەزىندە جەكەمەنشىك قورىقشىلىق قىزمەتىندە جۇمىس ىستەيتىن قىزمەتكەردىڭ ءبىرى دەنە جاراقاتىن العانى انىقتالدى»، دەدى ۆەدومستۆودان.

وقيعا شاردارادا ورىن العاندىقتان، اتالعان جايت شاردارا اۋداندىق پوليتسيا ءبولىمىنىڭ سوتقا دەيىنگى تەرگەپ-تەكسەرۋ تىزىلىمىنە تىركەۋگە الىندى.

«ەكى تاۋلىك بويى اۋداندىق پوليتسيانىڭ جەدەل توبى براكونەرلەردىڭ جەكە باسىن انىقتاۋ بويىنشا بارلىق قاجەتتى ءىس-شارالاردى جۇرگىزدى. ناتيجەسىندە پوليتسەيلەر قورىقشىلارعا قارسىلىق كورسەتۋگە قاتىسى بار دەگەن كۇدىكپەن كورشى ماقتاارال اۋدانىنان 120 شاقىرىم جەردەن جەرگىلىكتى 6 تۇرعىندى ۇستادى.

كۇدىكتىلەرگە قاتىستى قر قك-ءنىڭ 380-بابى «بيلىك وكىلىنە قاتىستى كۇش قولدانۋ« بويىنشا سوتقا دەيىنگى تەرگەۋ امالدارى جۇرگىزىلۋدە. تەرگەۋ وقيعانىڭ تولىق ءمان-جايىن انىقتايدى»، دەپ تولىقتىردى وبلىستىق پد-نىڭ ءباسپاسوز قىزمەتىنەن.

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار