«بۇگىنگى تاڭدا ءار مەملەكەت ءۇشىن ءوزىنىڭ ۆاكتسيناتسيا پاسپورتىنىڭ باسقا ەلدەردە تانىلۋى وزەكتى ماسەلەلەردىڭ ءبىرى بولىپ سانالادى.
پاندەميا جاڭا الەمدىك مىندەتتەردى العا قويدى. ولاردى شەشۋ جەدەل ءىس-قيمىلدى تالاپ ەتەدى. سول سەبەپتى دەنساۋلىق ساقتاۋ مينيسترلىگى قر سىرتقى ىستەر مينيسترلىگىمەن بىرلەسىپ, بىرقاتار مەملەكەتپەن ۆاكتسيناتسيا پاسپورتتارىن ءوزارا تانۋ ماسەلەسىن پىسىقتاۋدا. كەلىسسوزدەردى جۇرگىزۋدىڭ ناتيجەسىندە تىزىمگە العاشقى بولىپ ۆەنگريا, تايلاند جانە موڭعوليا سياقتى ءۇش ەل ەندى.
وسى باعىتتاعى جۇمىستار جالعاسۋدا. اتالمىش تىزىمدەگى ەلدەردىڭ قاتارى ۇلعايا بەرەدى دەپ ۇمىتتەنەمىز», دەلىنگەن كوميتەت حابارلاماسىندا.
