ايماقتار • 12 ماۋسىم، 2021

قوستانايدا Capstone Project جوباسىنىڭ جەڭىمپازدارى انىقتالدى

87 رەت كورسەتىلدى

قۇقىق قورعاۋ سالاسىنا كادر دايارلايتىن شىراقبەك قابىلباەۆ اتىنداعى قوستاناي اكادەمياسىنىڭ بىرنەشە كۋرسانتى ەۋروپاعا اتتانادى، دەپ حابارلايدى Egemen.kz.

بولاشاق پوليتسەيلەر Penal Reform International  ۇيىمىنىڭ Capstone Project جوباسى اياسىندا نيدەرلاند كورولدىگىنە بارىپ، سول ەلدەگى سوتتالعاندار قۇقىعىنىڭ قورعالۋى مەن تۇرمە جۇيەسىنىڭ دامۋ بارىسىمەن، سونداي-اق ادام قۇقىعىن قورعاۋ ماسەلەسىمەن تانىساتىن بولادى.    

اتالمىش جوبا اياسىندا قوستاناي اكادەمياسىندا وتكەن عىلىمي بايقاۋعا جالپى سانى 21 كۋرسانتتان قۇرالعان 7 كوماندا قاتىستى. ولار ارنايى كوميسسيا مۇشەلەرىنىڭ الدىندا «العاش رەت سوتتالعان ايەلدەردى پسيحولوگيالىق بەيىمدەۋ»، «ەكسترەميستىك جانە تەرروريستىك قىلمىستارى ءۇشىن سوتتالعانداردى وڭالتۋ»، «قازاقستاندا سوتتالعان شەتەلدىكدەردىڭ قۇقىقتارى» تاقىرىپتارىن قامتىعان عىلىمي جۇمىستارىن قورعاپ شىققان.

قازىلار القاسىنىڭ توراعاسى، نيدەرلاند كورولدىگىنىڭ قازاقستان رەسپۋبليكاسىنداعى ەلشىلىك ميسسياسى باسشىسىنىڭ ورىنباسارى ارناۋت ۆان ۆاۋندەنبەرگ مىرزانىڭ ايتۋىنشا، «قازاقستان رەسپۋبليكاسى مەن نيدەرلاند كورولدىگى قۇقىق قورعاۋ سالاسىندا ءوزارا ءتيىمدى ىنتىماقتاستىق ورناتقان.

«بۇل جوبا كۋرسانتتارعا ادام قۇقىعىن قورعاۋ ماسەلەلەرىنە قاتىستى زەرتتەۋ جۇمىستارىن حالىقارالىق دەڭگەيدە جالعاستىرۋىنا مۇمكىندىك بەرەدى.  جاس زەرتتەۋشىلەر حالىقارالىق جانە جەرگىلىكتى ۋنيۆەرسيتەتتەردىڭ پروفەسسورلارىنىڭ جەتەكشىلىگىمەن جۇمىس ىستەيتىن زەرتتەۋشىلەر توبىنىڭ قۇرامىندا بولادى. بۇل مودەل الەمنىڭ ەڭ ۇزدىك جوعارى وقۋ ورىندارىندا تابىستى قولدانىلۋدا»، دەدى ەلشىلىك وكىلى.

حالىقارالىق جوباعا ۇمىتكەر 7 كوماندانىڭ ىشىنەن «ەكسترەميستىك جانە تەرروريستىك قىلمىستارى ءۇشىن سوتتالعانداردى وڭالتۋ» ماسەلەسى تۋرالى عىلىمي جوبانى ءساتتى قورعاپ شىققان اناستاسيا كيريچەنكو، داميليا بايجانوۆا، يۋليا كريۆيچ سىندى كۋرسانتتار توبى جەڭىمپاز اتاندى. ۇزدىكتەر جاقىن ارادا نيدەرلاندقا اتتانادى.

ءبىر اپتالىق وقۋ ساپارى بارىسىندا Penal Reform International  ۇيىمى بايقاۋ جەڭىمپازدارىنىڭ نيدەرلاند سىرتقى ىستەر مينيسترلىگىنىڭ، ادام قۇقىعىن قورعاۋ جونىندەگى حالىقارالىق ۇيىمداردىڭ وكىلدەرىمەن، پەنيتەنتسيارلىق مەكەمە قىزمەتكەرلەرىمەن كەزدەسۋىن ۇيىمداستىرادى. سونداي-اق، قوستانايلىق كۋرسانتتار جەرگىلىكتى پەنيتەنتسيارلىق مەكەمەلەردى ارالاپ، بەيبىتشىلىك سارايىنا، حالىقارالىق قىلمىستىق سوت كەڭسەسىنە بارادى. بايقاۋ جەڭىمپازدارى، سونىمەن قاتار، گوللانديالىق جوعارعى وقۋ ورىندارى ساراپشىلارىنان ءدارىس الاتىن بولادى. كۋرسانتتاردىڭ جەتى كۇندىك ءبىلىم ساپارى گااگا، امستەردام، ۋترەحت قالالارىندا وتەدى.

 

قوستاناي وبلىسى

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار