ەكونوميكا • 11 ماۋسىم، 2021

دارحان كالەتاەۆ ۋكراينانىڭ ەكونوميكا مينيسترىمەن كەزدەستى

57 رەت كورسەتىلدى

قازاقستاننىڭ ۋكرايناداعى ەلشىسى دارحان كالەتاەۆ ۋكراينانىڭ ءبىرىنشى ۆيتسە-پرەمەر-ءمينيسترى - ەكونوميكا ءمينيسترى الەكسي ليۋبچەنكومەن كەزدەسۋ وتكىزدى، دەپ حابارلايدى Egemen.kz.

سۇحباتتاسۋشىلار ەكىجاقتى ساۋدا-ەكونوميكالىق ىنتىماقتاستىقتىڭ وزەكتى ماسەلەلەرىن، سونداي-اق 2021 جىلى 18 ماۋسىمدا كيەۆتە وتەتىن ەكونوميكالىق ىنتىماقتاستىق جونىندەگى قازاقستاندىق-ۋكراينالىق بىرلەسكەن مەملەكەتارالىق كوميسسياسىنىڭ كەلەسى وتىرىسىنا دايىندىق ماسەلەلەرىن تالقىلادى.

تاراپتار حالىقارالىق ساۋدا، كووپەراتسيا جانە ينفراقۇرىلىم سالاسىنداعى ءوزارا ءىس-قيمىلدى دامىتۋدىڭ ەلەۋلى الەۋەتتىڭ بار ەكەنىمەن كەلىستى.

باسىم باعىتتار قاتارىنا اگروونەركاسىپ كەشەنى، ينفراقۇرىلىمدىق قۇرىلىس، كولىك جانە كوممۋنيكاتسيا مەن تۋريزم جاتادى.

بۇل ماسەلەلەر قازاقستان مەن ۋكراينا اراسىنداعى ىنتىماقتاستىقتىڭ بارلىق اسپەكتىلەرىنە سەرپىن بەرۋ ءۇشىن ناقتى شەشىمدەر ازىرلەۋ ماقساتىندا وتكىزىلەتىن مەملەكەتارالىق كوميسسيانىڭ وتىرىسى بارىسىندا ەگجەي-تەگجەيلى تالقىلاناتىنى اتاپ ءوتىلدى.

 

 

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار