«بيىل سۋيتسيدكە قاتىسى 248 وقيعا تىركەلدى. سەبەپتەرى ءار ءتۇرلى: تۋىستارىمەن بولعان قاقتىعىستار ءاربىر ءۇشىنشى جاعدايدى قۇرايدى. بۇدان بولەك جالعىزدىق سەزىمى - 12%, دوستارمەن قارىم-قاتىناستىڭ ءۇزىلۋى - 10%, وقۋ ورنىنداعى جانجال مەن قولايسىز قارجىلىق جاعدايلار دەڭگەيى - 3%-دى كورسەتىپ وتىر», دەدى قازاقستان رەسپۋبليكاسىنىڭ ىشكى ىستەر ءمينيسترى ەرلان تۇرعىمباەۆ حالىققا ەسەپ بەرۋ كەزدەسۋىندە.
سونىمەن قاتار, ونىڭ ايتۋىنشا, جاز مەزگىلىنىڭ باستالۋىمەن بالالاردىڭ جازاتايىم وقيعالارى كوبەيگەن. كوبىنەسە سابيلەر تەرەزەلەردەن قۇلاپ كەتەدى. وسىنداي 30 فاكت تىركەلگەن. سالدارىنان 6 بالا قايتىس بولىپ, 24-ءى ءتۇرلى دەنە جاراقاتتارىن العان.
