ەكونوميكا ءمينيسترى ەلدە ىسكەرلىك بەلسەندىلىكتىڭ وسكەنىن ايتتى

«قاڭتار-مامىر ايلارىندا ەكونوميكانىڭ قالپىنا كەلۋدەگى ءوسۋ قارقىنى 1،6%-عا دەيىن جەدەلدەدى. ناقتى سەكتور ەكونوميكا ءوسىمىنىڭ درايۆەرى بولىپ قالا بەرۋدە. قىزمەت كورسەتۋ سەكتورىنىڭ قارقىندى ءوسۋى بايقالۋدا. ەكونوميكانىڭ ءوندىرۋشى ەمەس سەكتورلارىندا جوعارى ينۆەستيتسيالىق بەلسەندىلىك ساقتالىپ وتىر. جىل باسىنان بەرى كەن ءوندىرۋ ونەركاسىبىن ەسەپكە الماعاندا، ناقتى سەكتورداعى ءوسىم 7،4%-دى قۇرادى. ىشكى سۇرانىستىڭ تۇراقتانۋى اياسىندا قىزمەت كورسەتۋ سالاسىنداعى ءوسۋ 0،8%-عا دەيىن جەدەلدەدى»، دەدى مينيستر.

ونىڭ ايتۋىنشا، ەكونوميكا سالالارى اراسىندا اقپارات پەن بايلانىس، قۇرىلىس، سۋمەن جابدىقتاۋ، وڭدەۋ ونەركاسىبى، ساۋدا، ەلەكترمەن جابدىقتاۋ جانە اۋىل شارۋاشىلىعى جوعارى ءوسىمدى كورسەتتى. وڭدەۋ ونەركاسىبى سالالارىندا قارقىندى كورسەتكىش بايقالىپ جاتىر.

«اتاپ ايتقاندا، ماشينا جاساۋ 21،1%-عا ۇلعايدى، ونىڭ ىشىندە اۆتوموبيل قۇراستىرۋ – 26،4%، لوكوموتيۆتەر مەن ۆاگوندار ءوندىرىسى – 54،9%، فارماتسەۆتيكا – 25،7%، قۇرىلىس ماتەريالدارى – 21،4%، كيىم – 19،3%، جيھاز – 18،2% جانە پلاستماسسا ونىمدەرى ءوندىرىسى – 17،3% ەرەكشەلەندى. سونداي-اق حيميا ونەركاسىبى ونىمدەرىن وندىرۋدە 9،8% دەڭگەيىندە جاقسى ءوسىم بايقالادى»، دەيدى ءا. ەرعاليەۆ.